એક એવું રેલવે સ્ટેશન કે જેનો બાંકડો મહારાષ્ટ્ર અને ગુજરાત વચ્ચે વહેંચાયેલો છે, જુઓ Photos

આ રેલવે સ્ટેશનની સીટ મહારાષ્ટ્ર અને ગુજરાત વચ્ચે વહેંચાયેલી છે. આ તસવીર મહારાષ્ટ્રના નવાપુર તાલુકામાં આવેલા નવાપુર રેલવે સ્ટેશનની છે. પરંતુ તેનું સ્ટેશન બે રાજ્યોમાં વહેંચાયેલું છે. આ સ્ટેશન પર દાયકાઓ જૂની લાકડાની બેન્ચ છે, જે ગુજરાત અને મહારાષ્ટ્રની સરહદ છે. આ સ્ટેશનનું ટિકિટ કાઉન્ટર મહારાષ્ટ્રમાં છે, જ્યારે સ્ટેશન માસ્ટર ગુજરાતમાં બેસે છે.

ભારતીય રેલવેનું એક એવું સ્ટેશન કે જેનો અડધો ભાગ એક રાજ્યમાં છે અને અન્ય ભાગ બીજા રાજ્યમાં છે. જો તમે ત્યાં જાઓ છો તો તમારે ટિકિટ એક રાજ્યમાંથી લેવાની રહેશે અને તમારી ટ્રેન બીજા રાજ્યમાં જઈને પકડવાની રહેશે. આ રેલવે સ્ટેશન પર એક બાંકડો પણ મૂકવામાં આવ્યો છે કે જેનો એક ભાગ ગુજરાતમાં છે અને બીજો ભાગ મહારાષ્ટ્રમાં છે.

ગુજરાત અને મહારાષ્ટ્ર અલગ થયા તે પહેલા આ સ્ટેશન બની ચૂક્યું હતું અને બોર્ડર નક્કી કર્યા બાદ આ સ્ટેશનમાં કોઈ ફેરફાર ના કરવામાં આવ્યો અને હવે આ સ્ટેશન બંને રાજ્યોમાં પડે છે. આ રેલવે સ્ટેશન ખાસ રીતે વહેંચવામાં આવ્યું છે. જ્યાં ટ્રેન ઊભી રહે છે અથવા આવે છે તે ગુજરાતના ક્ષેત્રમાં છે. તેમજ ક્લેરિકલ કામ મહારાષ્ટ્રના ક્ષેત્રમાં થાય છે.

દેશનું એક એવું રેલવે સ્ટેશન જે બે રાજ્યોમાં વહેંચાયેલું છે. અડધુ સ્ટેશન મહારાષ્ટ્રના નંદુબાર જિલ્લામાં આવે છે અને અડધુ ગુજરાતના તાપી જિલ્લામાં આવે છે. ગુજરાત અને મહારાષ્ટ્રના ભાગલા પહેલા આ સ્ટેશન બની ચૂક્યું હતું અને ભાગલા બાદ આ સ્ટેશનમાં કોઈ બદલાવ થયો નથી અને પરિણામ તે આવ્યું કે તે બંને રાજ્યોમાં આવે છે.