નિક જોનસ પહેલા 2014માં આ વ્યક્તિ સાથે પરણી હતી પ્રિયંકા ચોપરા! વાયરલ થઈ તસવીર

પ્રિયંકા ચોપરા કોરોના વાયરસ સામે લડવા માટે કોરોના વીરો તેમજ સરકારને ખૂબ મદદ કરી રહી છે. આ સિવાય તે પોતાના સોશિયલ મીડિયા અકાઉન્ટ દ્વારા લોકોમાં આ મહામારીને લઈને જાગૃકતા પણ ફેલાવી રહી છે. પ્રિયંકાનું નામ ફરી એક વખત ચર્ચામાં આવ્યું છે અને આ વખતનું કારણ થોડું ચોંકાવનારું પણ છે. ઈન્ટરનેટ પર ચર્ચા ચાલી રહી છે કે, નિક જોનસ સાથે લગ્ન કરતાં પહેલા પ્રિયંકાએ અન્ય કોઈ સાથે લગ્ન કર્યા હતા. આ ચર્ચા બ્રૈંડન શૂસ્ટર નામના એક શખ્સના ટ્વીટ બાદ શરુ થઈ છે.

ઈન્ટરનેટ પર બ્રૈંડન શૂટસ્ટર નામના શખ્સનું ટ્વીટ વાયરલ થઈ રહ્યું છે. આ ટ્વીટમાં તેણે લખ્યું છે કે 2014માં તે પ્રિયંકા ચોપરા સાથે 'લગ્ન' કરી ચૂક્યો છે. જો કે, તમે કન્ફ્યૂઝ થઈ જાઓ તે પહેલા આખો મામલો શું છે તે સમજી લો.

અમેરિકન ટીવી પર્સનાલિટી Chrissy Teigenએ સોશિયલ મીડિયા પર સવાલ પૂછ્યો હતો કે શું કોઈ વ્યક્તિ ક્યારેય પણ 1 મિનિટ માટે ફેમસ થઈ છે. તેણે કહ્યું કે, ભલે તેઓ ફિલ્મી બ્રેકગ્રાઉન્ડના રહ્યા હોય અથવા મજેદાર ઘટનાના કારણે ફેમસ થયા છે?

જેના જવાબમાં બૈંડને 2014ની એક તસવીર પોસ્ટ કરી. જેમાં લખ્યું હતું કે 2014માં તેણે પ્રિયંકા ચોપરા સાથે 'લગ્ન' કર્યા હતા. આ વાતને તેણે વિગતવાર સમજાવી. તેણે જણાવ્યું કે, ટૈમ્પામાં થયેલા ગ્રીન કાર્પેટ ઈવેન્ટ દરમિયાન તેણે પ્રિયંકાનું ફૂલોથી માળા પહેરાવીને સ્વાગત કર્યું હતું. તે સમયે તેને જાણ નહોતી કે ભારતમાં ફૂલની માળા પહેરાવીને લગ્ન કરવામાં આવે છે. લોકોએ આ તસવીર જોઈ અને મીડિયાએ તેનું એક્સક્લૂઝિવ ઈન્ટરવ્યૂ લેવાનું શરૂ કરી દીધું હતું.

બ્રૈંડનનું આ ટ્વીટ એટલું વાયરલ થઈ ગયું કે, તેણે તેના પર સ્ટેટમેન્ટ જાહેર કરવું પડ્યું. પોતાના સ્ટેટમેન્ટમાં તેણે લખ્યું કે, તેણે પ્રિયંકા ચોપરા સાથે ક્યારેય લગ્ન કર્યા નથી, લોકો તેને ખોટી રીતે રજૂ કરી રહ્યા છે. તેણે નિક અને પ્રિયંકાના લગ્ન પર ખુશી પણ વ્યક્ત કરી હતી.