બાળકોને ભૂલથી આપી દીધી બીજી દવા, શરીર પર થઈ વિચિત્ર અસર

સીરપ પર ખોટુ લેબલ લાગેલી દવાઓ ગ્રેનેડા, કેન્ટાબ્રિયા અને વેલેન્સિયાની દવાની દુકાનોમાં આપવામાં આવી હતી. જ્યાં કેમિસ્ટ પેટની સમસ્યા માટે આ દવા આપી રહ્યા છે. બાળકોને થયેલી વિચિત્ર અસરના કારણે તેમના માતા-પિતા ઘણા રોષે ભરાયા હતા અને બાદમાં ખ્યાલ આવ્યું કે એન્ડાલુસિયા અને વેલેન્સિયામાં 20 જેટલા બાળકોને આ સમસ્યા થઈ છે.

આ મોટી ભૂલના બે વર્ષ બાદ કેટલાક બાળકોના પરિવારોએ વાળ ફરીથી ન ઉગે તે માટે સારવાર કરાવી હતી પરંતુ તેમ છતાં તેમના બાળકોના શરીર પર ફરીથી વાળ ઉગી રહ્યા છે. જેના કારણે તેઓ હવે વળતરની માંગણી કરી રહ્યા છે. સ્વાસ્થ્ય મંત્રાલયના ડેટાના જણાવ્યા પ્રમાણે, બાળકોના પરિવારોએ વકિલ જેવિયર ડિયાઝ એપારિસિઓ દ્વારા સત્તાવાળ સમક્ષ ફરિયાદ નોંધાવી હતી. ત્યારબાદ સત્તાવાળાઓએ શોધી કાઢ્યું હતું કે આ ભૂલ ગત વર્ષે જૂલાઈના અંતમાં થઈ હતી.

સત્તાવાળાઓને બે મહિના બાદ ખ્યાલ આવ્યો કે આમાં ભૂલથી અલગ લેબલ લગાવવામાં આવ્યું છે જેના કારણે જે લેબોરેટરીમાં લેબલ લગાવવામાં આવે છે તેને બંધ કરી દેવામાં આવી છે અને તમામ દવાઓ પાછી માંગવામાં આવી છે. એક બાળકની માતાએ જણાવ્યું હતું કે, આ દવાના પરિક્ષણ માટે બે મહિનાનો સમય કેમ થયો? અમને કંઈ કહેવામાં આવ્યું ન હતું. હું ઘણી ગુસ્સે છું અને ડરી ગઈ છું. તેમણે ઉમેર્યું હતું કે તેમની પુત્રીને દવાનો હાઈ ડોઝ આપવામાં આવ્યો હતો.