સૌથી હિંસક હશે 2020નું વર્ષ, નાસ્ત્રેદમસની ચોંકાવનારી ભવિષ્યવાણી

ફ્રાંસના ભવિષ્યવેત્તા માઈકલ ધ નાસ્ત્રેદમસે આવનારા ઘણા વર્ષો માટે સદીઓ પહેલા જ ભવિષ્યવાણી કરી દીધી હતી. સમગ્ર દુનિયામાં લોકો નાસ્ત્રેદમસની ભવિષ્યવાણી પર વિશ્વાસ કરે છે. તેમની અત્યાર સુધી કરાયેલી ભવિષ્યવાણીમાંથી મોટાભાગની બાબતો સાચી સાબિત થઈ છે. નાસ્ત્રેદમસે 2020 માટે જે ભવિષ્યવાણી કરી છે, તેમાં માનવતા માટે સારા સમાચાર નથી. ઘણા અન્ય ભવિષ્યકારોએ પણ 2020માં વિનાશના સંકેત આપ્યા છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: નાસ્ત્રેદમસની ભવિષ્યવાણીમાં 2020માં દુનિયાના ખતમ થવાના સંકેત પણ છુપાયેલા છે. નાસ્ત્રેદમસનું માનવું છે કે 2020માં એક નવા યુગની શરૂઆત થશે. ઘણા દેશો એકબીજા સાથે ટકરાશે. આ સાથે જ 2020માં સદીનું સૌથી મોટું આર્થિક સંકટ આવશે. આંકડા મુજબ ભારતથી લઈને સમગ્ર દુનિયાની અર્થવ્યવસ્થાની હાલત હાલમાં ખરાબ છે. ચીન અને અમેરિકા વચ્ચે વ્યાપાર યુદ્ધની શરૂઆત થઈ ચૂકી છે. ભારતના આર્થિક વૃદ્ધિદરમાં પણ મોટો ઘટાડો નોંધાયો છે. જોકે ભવિષ્યવાણીમાં કહેવાયું છે કે 2020 સુધી લોકો પહેલાથી વધારે જાગૃત થઈ ગયા હશે અને તેમનામાં એક પ્રકારનો નવો આધ્યાત્મિક ઝુકાવ જોવા મળશે. નાસ્ત્રેદમસની ભવિષ્યવાણી મુજબ, ત્રીજા વિશ્વયુદ્ધની આશંકા સાચી સાબિત થઈ શકે છે. 2020માં અમેરિકા એશિયામાં સૌથી મોટો સેન્ય અભ્યાસ શરૂ કરશે. લોકો નાસ્ત્રેદમસની ભવિષ્યવાણીને તેની સાથે જોડીને જોઈ રહ્યા છે. ભવિષ્યવાણી મુજબ 2020માં દુનિયામાં મોટા શહેરોમાં ગૃહ યુદ્ધ જેવી સ્થિતિ થઈ જશે અને લોકો રસ્તા પર ઉતરશે. જોકે નવા વર્ષની શરૂઆત પહેલા જ ભારતમાં નાગરિકતા કાયદો અને NRC જેવા મુદ્દાઓ પર જબરજસ્ત વિરોધ પ્રદર્શન જોવા મળી રહ્યો છે. બીજી તરફ મધ્ય-પૂર્વના મોટાભાગના દેશો સહિત ફ્રાંસમાં પણ હિંસક પ્રદર્શન ચાલી રહ્યા છે. નાસ્ત્રેદમસે 2020ને એક હિંસક વર્ષ બતાવ્યું છે. તેમની ભવિષ્યવાણી અનુસાર આ વર્ષે રશિયાના રાષ્ટ્રપતિ વ્લાદિમીર પુતિનની હત્યાનો પ્રયાસ પણ થઈ શકે છે. જ્યારે અમેરિકન રાષ્ટ્રપ્રમુખ ડોનાલ્ડ ટ્રમ્પને મોટું નુકસાન થઈ શકે છે. નાસ્ત્રેદમસ મુજબ આ વર્ષે જળવાયુ પરિવર્તનથી સમગ્ર દુનિયાને અસર થશે અને પ્રદૂષણ વિરુદ્ધ યુદ્ધ સ્તર પર ચળવળ શરૂ થશે. દુનિયાના કેટલાક ભાગોમાં આ વર્ષે ભયંકર તોફાન અને ભૂકંપ આવશે તો ક્યાંક પૂર અને આતંકવાદ તબાહી ફેલાવી શકે છે.