અજબ પ્રેમ કી ગજબ કહાની: 24 વર્ષની યુવતીને 60 વર્ષના દાદા સાથે થઈ ગયો પ્રેમ

I am Gujarat

24ની યુવતી 60 વર્ષના બોયફ્રેન્ડ દ્વારા બાળક ઈચ્છે છે

એક 24 વર્ષીય યુવતીએ ચોંકાવનારો ખુલાસો કરતા કહ્યું કે, તે પોતાના કરતા 36 વર્ષ મોટા વ્યક્તિના પ્રેમમાં છે અને રિલેશનના 6 મહિના બાદ જ તે બાળકની ઈચ્છા રાખી રહી છે. આ અંગે યુવતી કહે છે કે, તે પોતાના 60 વર્ષીય પાર્ટનરની ગેરહાજરીમાં પણ પોતાની પાસે તેનો અંશ હોય તેવું ઈચ્છે છે.

આ રીતે થઈ પહેલી મુલાકાત

કોસ્મેટોલૉજીની 24 વર્ષીય સ્ટુડન્ટ સામંથા ક્રોસ્બી અને 60 વર્ષીય મેક્સી મિલ્સ મ્યુઝિશિયન જેઓ મૂળ ટેક્સાસથી છે પણ હાલ વોશિંગ્ટનમાં રહે છે, છ મહિના પહેલા એક લાઈવ મ્યુઝિક ઈવેન્ટમાં મળ્યા હતા જ્યાં મેક્સી પરફોર્મ કરી રહ્યો હતો.

લોકો પિતા-પુત્રી માની લે છે!

ઘણીવાર જ્યારે આ આ કપલ બહાર ફરવા જાય ત્યારે લોકો તેમને પિતા-પુત્રી સમજી લે છે પણ જ્યારે તેઓ જણાવે છે કે, તે રોમેન્ટિકલી લિંક્ડ છે તો લોકો વિચિત્ર હાવભાવ બનાવે છે. જોકે, આ કપલ કહે છે કે, તેમનું રિલેશન ઉંમરથી પર છે. મેક્સીને તેના અગાઉના લગ્નથી બે બાળકો છે. એક પુત્રી (40) અને એક પુત્ર (35) કે જેઓ હજુ તેના સામંથા સાથે રિલેશન વિશે જાણતા નથી.જોકે, સામંથા પોતાના ભાવનાત્મક કારણને લીધે મેક્સી દ્વારા બાળક ઈચ્છી રહી છે.

આ રીતે સામંથાને થઈ ગયો ‘લવ એટ ફર્સ્ટ સાઈટ’

મેક્સીએ લાઈવ મ્યુઝિક કોન્સર્ટમાં જ્યારે સામંથાનું ફેવરેટ ફ્લીટવુડ મેક સોંગ ‘નેવર ગોઈંગ બેક અગેન’ વગાડ્યું ત્યારે તેને મેક્સી માટે આકર્ષણ જાગ્યું. ત્યારબાદ સામંથાને મેક્સીને જાણવામાં વધુ રસ જાગ્યો. સામંથાએ પરફોર્મન્સ ખતમ થયા બાદ મેક્સી સાથે વાત કરવાનો પ્રયત્ન કર્યો પણ મેક્સી વધારે ઈન્ટરસ્ટેડ નહોતો. બાદમાં તેણે મેક્સીને ફેસબુકમાં એડ કર્યો. ધીમે-ધીમે વાતો શરૂ થઈ અને પછી ડેટિંગ. સામંથાનું કહેવું છે કે, ‘હા મને તેને જોતા જ લવ એટ ફર્સ્ટ સાઈટનો અનુભવ થયો. તેનામાં કંઈક ખાસ હતું જેના કારણે મને તેને વધુ જાણવાની ઈચ્છા થતી રહી.’

મેક્સી માટે અઘરું હતું રિલેશનમાં રહેવું

સામંથા આગળ કહે છે કે, ‘હું જાણું છું કે, તેના માટે આ લાગણી અલગ હતી. મારી અને તેની ઉંમરના લીધે અમારા સંબંધોમાં ઘણી મુશ્કેલીઓ પેદા થઈ શકે તેમ હતી. તેણે મને કહ્યું પણ હતું કે, હું આ નિર્ણય કરીને તેને એક ઘણો મોટો ચાન્સ આપી રહી છું. મને સૌથી પહેલા તેના કોન્ફિડન્સ અને લુકને લીધે આકર્ષણ થયું. બાદમાં જ્યારે તેને ઓળખતી થઈ તો મને તે મારી જિંદગીમાં મળેલા અન્ય તમામ લોકો કરતા સારો લાગ્યો. તે ખુબ ચાર્મિંગ, ઉદાર, રોમેન્ટિક અને કેરિંગ વ્યક્તિ છે.’

હવે સાથે રહે છે આ કપલ

થોડા વીક પહેલા જ સામંથા અને મેક્સીએ સાથે રહેવાનું શરૂ કરી દીધું છે અને સામંથાનું માનવું છે કે, 36 વર્ષનું અંતર વધારે કોઈ ફર્ક નહીં પાડી શકે. સામંથા કહે છે કે, ‘હું જાણતી હતી કે, રિલેશનશિપની શરૂઆતમાં મારા ફ્રેન્ડ્સ આની વિરુદ્ધમાં હતા. પણ કારણ કે મેક્સી એક સ્કૂલ ટીચર હતો જે એક સામાન્ય સેલેરીવાળી નોકરી હતી તેનાથી સાબિત થાય છે કે, હું પૈસા માટે તેની સાથે રિલેશનમાં નથી બંધાઈ. ‘