હોઠમાં સોજો થતાં ક્લિનિક પહોંચી યુવતી, જવાબ મળ્યો 'ઓરલ સેક્સ કર્યું હશે'

I am Gujarat

હોઠમાં આવ્યો સોજો

ઈંગ્લેન્ડમાં એક યુવતીએ ક્લિનિકમાં લીપ સર્જરી કરાવી હતી. આ પછી તેને થોડા દિવસોમાં હોઠમાં સોજો આવી ગયો હતો. જેવી તે ફરિયાદ કરવા ફરીવાર ક્લિનિકમાં ગઈ તો તેને જે જવાબ મળ્યો એ સાંભળીને હોશ ઉડી ગયાં હતાં. ક્લિનિકના મેનેજરે તેને ઉદ્ઘતાઈભર્યો જવાબ આપ્યો હતો.

કરાવી હતી લીપ ટ્રીટમેન્ટ

26 વર્ષની ચાર્લોટ નીલે લીપ ટ્રીટમેન્ટ કરાવી હતી. થોડા દિવસો પછી અચાનક જ તેના હોઠમાં સોજો આવવા લાગ્યો અને અંદર ગઠ્ઠાઓ જામવા લાગ્યાં હતાં. આ ઉપરાંત તેને હદ બહાર તકલીફ થતી હતી. તેની તકલીફ એ હદે વધી ગઈ હતી કે તેના લીધે અનેક દિવસો સુધી તે જમી પણ શકી નહોતી.

આપ્યો ઉદ્ધતાઈભર્યો જવાબ

આ પછી ફરિયાદ કરવા માટે ચાર્લોટ ક્લિનિકમાં ગઈ હતી. જ્યાંથી તેને ઉદ્ધતાઈભર્યો જવાબ મળ્યો હતો. ક્લિનિકમાં હોઠ વિશે ફરિયાદ કરતાં મેનેજરે આ ઘટના માટે તેના બોયફ્રેન્ડને જવાબદાર ગણાવ્યો હતો. આ પછી ચાર્લોટે સોશિયલ મીડિયામાં પોસ્ટ કરી હતી. જેમાં પોતાનો અનુભવ શૅર કર્યો હતો અને લોકોને ચેતવણી આપી હતી.

મેનેજરે કર્યું અપમાન

ચાર્લોટની ફરિયાદ પછી મેનેજરે એક પોસ્ટ કરી હતી જેમાં તેણે લખ્યું હતું કે,’અમારી ક્લિનિકે આ પ્રકારનું કોઈ જ કામ નથી કર્યું. હું અનેક સમયથી આ ફિલ્ડનો પ્રોફેશનલ છું. અમારી પર ખોટા આરોપો લગાડવામાં આવી રહ્યાં છે. છ મહિનાથી તમે ક્લિનિકમાં નથી આવતાં અને હોઠ પર કંઈક એવું ઘસો છો જેથી તમને તકલીફ થાય છે. આ ઓરલ સેક્સના લીધે થયું હોય શકે.’

ચાર્લોટે કરી પોસ્ટ

ચાર્લોટે જણાવ્યું હતું કે,’મને એવું લાગી રહ્યું છે કે મારી સાથે છેતરપિંડી થઈ છે. ક્લિનિકનો તમામ સ્ટાફ બેજવાબદાર છે. લીપ પ્લેસમેન્ટ અને ફિલર માટે યોગ્ય સ્કિલવાળા લોકોની જરુર હોય છે. જ્યારે અહિં એવું નથી. દર્દ થાય એ સ્વાભાવિક છે પરંતુ આ પહેલા મારી સાથે આવું ક્યારેય પણ થયું નથી. ક્લિનિકના મેનેજરે મને એવો જવાબ આપ્યો હતો કે ખૂબ જ શરમ આવી હતી.’ નોંધનીય છે કે આ પહેલા પણ ચાર્લોટ અનેકવાર ટ્રીટમેન્ટ કરાવી ચૂકી છે.