રમતાં-રમતાં બારીની જાળીમાં ફસાઈ ગયું 4 વર્ષનું બાળક, ભારે જહેમત બાદ કરાયું રેસ્ક્યૂ

નાના બાળકોને બારીએથી લટકી-લટકીને નીચે જોવાની આદત હોય છે, તેમની આવી આદત માટે તેમને મમ્મી ટપારે તો પણ થોડો ટાઈમ શાંતિથી બેસે અને ફરીથી હતા એવા ને એવા. પણ બાળકોની આવી આદત ક્યારેક તેમના જીવને પણ જોખમમાં મુકી શકે છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: વાત છે, પૂર્વ ચીનના શઆનદોંગમાં આવેલા લિન્યાઈ શહેરની જ્યાં એક ચાર વર્ષનું બાળક બારી બહાર લગાવેલી જાળીમાં ફસાઈ ગયું. બાળક ત્યાં સુધી ફસાયેલું રહ્યું જ્યાં સુધી ફાયર ફાઈટર્સ તેની મદદે આવ્યા નહીં. આ ઘટનાનો વીડિયો સોશિયલ મીડિયા પર વાયરલ થયો છે. એક ન્યૂઝચેનલના રિપોર્ટ પ્રમાણે, ગત સોમવારે બપોરે બાળક બારી બહાર લગાવેલી જાળી પર ચડી ગયો અને ચાલવા લાગ્યો. આ દરમિયાન તેનો પગ અને માથું રેલિંગની વચ્ચે ફસાઈ ગયું. બાળકના માતા-પિતા તો ઘરે હતા નહીં. જો કે તેનો રડવાનો અવાજ સાંભળી તેના દાદા-દાદી જાગી ગયા અને તરત જ મદદ માટે ફાયર ફાઈટર્સને બોલાવ્યા. સૌથી પહેલા ફાયર ફાઈટર્સે બાળકની છાતી પર દોરડું બાંધ્યું જેથી તે રેલિંગથી નીચે ન પડી જાય. બાદમાં હાઈડ્રોલિક સ્પ્રેડરની મદદથી રેલિંગ પહોળી કકરવામાં આવી અને બાળકને સુરક્ષિત રીતે નીચે ઉતારી લેવાયો. બાળકનો જીવ બચી જતાં તેના પરિવારને પણ હાશકારો થયો હતો.