TikTok: અમેરિકામાં પ્રતિબંધથી બચવા માટે કંપની ભરી શકે છે આ પગલું

દુનિયાભરમાં ચીનની કંપની પર પ્રતિંબધ લગાવવાની માગણી થઈ રહી છે. આવામાં અમેરિકામાં એક IT કંપની TikTokની કમાન સંભાળી શકે છે, જો આ સોદો થઈ ગયો તો શક્ય છે કે અમેરિકામાં TikTok પરનો પ્રતિબંધ ટળી શકે છે.

ભારત સરકારે જૂનમાં ટિકકોટ સહિત 50 કરતા વધારે ચીનની એપ પર પ્રતિબંધ લગાવ્યા છે. આ પહેલા આવેલા રિપોર્ટમાં ચીનની એપને અમેરિકાના રાષ્ટ્રપ્રમુખ ડોનાલ્ડ ટ્રમ્પ પર પ્રતિબંધ લગાવવાનો આદેશ આપી શકે છે. મહત્વનું છે કે ભારતમાં તેના પર ડેટાની જાસૂસીનો ખતરો હોવાના કારણે પ્રતિબંધ લગાવ્યા બાદ દુનિયાભરમાં આ દિશામાં પગલા ભરવા અંગે વિચાર થઈ રહ્યો છે.

હાલમાં જ અમેરિકાના રાષ્ટ્રપ્રમુખ ટ્રમ્પે એ વાતનો સંકેત આપ્યો છે કે, "અમે ટિકટોકના મુદ્દાને જોઈ રહ્યા છીએ, અમે ટિકટોક પર પ્રતિબંધ લગાવી શકીએ છીએ. અમે કોઈ બીજુ પગલું પણ ભરી શકીએ છીએ, કારણ કે અમારી પાસે ઘણા વિકલ્પ છે. અમે ટિકટોકના સંબંધમાં તમામ વિકલ્પો પર વિચાર કરી રહ્યા છીએ."

વોલ સ્ટ્રીટ જર્નલ અને બ્લૂમબર્ગના રિપોર્ટ મુજબ કહેવામાં આવે છે કે, ટ્રમ્પ સરકાર એક એવો આદેશ તૈયાર કરી રહી છે કે ચીનની કંપની બાઈટડાન્સને અમેરિકામાં પોતાના વેપારને વેચવા માટે કહેવામાં આવી શકે છે. આની પાછળનું કારણ ચીનની એપથી સુરક્ષાનો ખતરો સૌટો મુદ્દો ગણવામાં આવી રહ્યો છે.

આ સિવાય એક અન્ય રિપોર્ટમાં કહેવામાં આવ્યું છે કે, ટિકટોકના અમેરિકાના વેપારને ખરીદવા માટે દિગ્ગજ IT કંપની માઈક્રોસોફ્ટ વાત કરી રહી છે. રિપોર્ટમાં કહેવામાં આવ્યું છે કે આ સોદો 10 અબજ ડૉલર કરતા વધુમાં થઈ શકે છે. જોકે, આ સોદો ત્યારે જ થશે જ્યારે અમેરિકામાં રાષ્ટ્રીય સુરક્ષાનું ધ્યાન રાખતી કમિટી તેનાથી કોઈ ખતરો ના હોવાની વાત પર સંતુષ્ટ થાય થઈને પોતાની સહમતી રજૂ કરે.

જેમાં જણાવાયું છે કે, આ સોદાને લઈને ટિકટોક અને માઈક્રોસોફ્ટ બન્ને કંપનીઓ તરફથી કોઈ સત્તાવાર નિવેદન કરવામાં આવ્યું નથી. બ્લૂમબર્ગના રિપોર્ટમાં એવું કહેવાયું છે કે અમેરિકાના રાષ્ટ્રપ્રમુક ડોનાલ્ડ ટ્રમ્પ ટિકટોકની પેરેન્ટ કંપની બાઈટડાન્સને એપનો માલિકીનો હક ટ્રાન્સફર કરવા માટેનો વિકલ્પ આપી શકે છે.