બુશ શાસનમાં વ્હાઇટહાઉસમાંમોદીના વિઝાનો વિરોધ ન હતો

એજન્સી ક્લીવલેંડ

અમેરિકાના પૂર્વ રાષ્ટ્રપતિ જ્યોર્જ બુશના કાર્યકાળમાં વ્હાઇટ હાઉસ ગુજરાતના તત્કાલીન મુખ્યમંત્રી નરેન્દ્ર મોદીને વિઝા નહિ આપવાની વિરૂદ્ધમાં હતું તેમ અમેરિકાના રાષ્ટ્રીય સલામતી સ્ટાફમાં કામ કરતાં એક અધિકારીએ જણાવ્યું હતું.
‘મને નથી લાગતું કે વ્હાઇટ હાઉસમાં એ વખતે કોઇ મોદીને વિઝા નહિ આપવાની વાત કરી હોય’ તેમ સ્ટીફન યેટ્સે જણાવ્યું હતું. હાલમાં મોદી સાથે મજબૂત સંબંધ બનાવવા માટે ઇચ્છુક રિપબ્લિકન વહીવટીતંત્ર તેમને અમેરિકી વિઝા આપવાનો ઇનકાર કેમ કર્યો હતો’ તેવો સવાલ પૂછાતાં તેમણે કહ્યું કે ‘એ વખતે વ્હાઇટ હાઉસનો કોઇ પણ યોગ્ય અધિકારી નિર્ણય લેવાની પ્રક્રિયામાં સામેલ થવાને લાયક દેખાયો નહતો.’

ઉલ્લેખનીય છે કે વર્ષ ૨૦૦૫માં અમેરિકાના વિદેશ મંત્રાલયે મોદીનો વિઝા એ આધારે રદ કર્યા હતા કે ગુજરાતમાં વર્ષ ૨૦૦૨માં થયેલાં રમખાણોમાં માનવાધિકારોનું ઉલ્લંઘન થયું હતું. વિદેશી બાબતો પર રિપબ્લિકન પ્લેટફોર્મની ઉપ સમિતિના સભ્ય રહી ચૂકેલાં યેટ્સે કહ્યું છે કે ‘વિદેશ વિભાગે પ્રતિબંધ જારી રાખ્યો છે અને ખરું કહું તો વ્હાઇટ હાઉસમાં અમારા જેવા કેટલાકને લાગતું હતું કે તે યોગ્ય નથી.’