નિર્દોષ હોવા છતાં 28 વર્ષ જેલમાં રહ્યો, હવે અપાયું 72 કરોડ રૂપિયા વળતર

વોશિંગ્ટન: અમેરિકામાં એક અશ્વેત શખસને એ ગુના માટે 28 વર્ષ જેલમાં ગોંધી રાખવામાં આવ્યો, જે તેણે કર્યો જ ન હતો. હવે, અહીંની સરકાર તેને વળતર પેટે 9.8 મિલિયન ડોલર (લગભગ 71.6 કરોડ રૂપિયા) આપશે. અમેરિકાના ફિલાલ્ડેફિલાયમાં હત્યાના એક મામલે ચેસ્ટર હોલમેન નામના વ્યક્તિને જેલમાં પૂરી દેવાયો હતો. આ કેસમાં જ્યારે તે નિર્દોષ હોવાની સચ્ચાઈ સામે આવી તો 2019માં ચેસ્ટરને છોડી મૂકાયો હતો.

તપાસ દરમિયાન જાણવા મળ્યું હતું કે, આ કેસના મહત્વના સાક્ષીએ 1991માં ખોટું બોલીને ચેસ્ટરે ફસાવી દીધો હતો. બાદમાં ખોટી સજા માટે ચેસ્ટરે રાજ્ય સરકાર સામે કેસ કર્યો હતો. જે કેસનો ગત બુધવારે ચુકાદો આવ્યો હતો. જેમાં કોર્ટે ફિલાલ્ડેફિલાયની સરકારને આદેશ આપ્યો હતો કે તે ચેસ્ટરને વળતર આપે. જોકે, બંને પક્ષો વચ્ચે થયેલી સમજૂતીમાં સરકાર કે સરકારના કોઈ કર્મચારીએ આ કેસમાં પોતાની ભૂલ થયાનું સ્વીકાર્યું નથી.

ફિલાલ્ડેલ્ફિયાના મેયર જિમ કેન્નીએ કહ્યું કે, સમજૂતી તો ઠીક છે, પરંતુ કોઈની આઝાદીની કોઈ કિંમત ન હોઈ શકે. તો, ચેસ્ટરે કહ્યું કે, 28 વર્ષ પછી આઝાદી પાછી મળવાનો અનુભવ કડવો છે અને સુખદ પણ. ચેસ્ટરે કહ્યું ક, તેની જેમ જ ઘણા લોકો દાયકાઓ સુધી જેલમાં બંધ રહે છે અને માત્ર સત્ય બહાર લાવવા માટે લાંબી લડાઈ લડતા રહે છે. તેણે કહ્યું કે, 'મારી પાસેથી શું છીનવી લેવાયું છે તે જણાવવા શબ્દો નથી અને મેં શું ગુમાવ્યું તે સમજી શકવાનો કોઈ રસ્તો નથી, પરંતુ આ સેટલમેન્ટથી હું અને મારો પરિવાર નવી શરૂઆત કરી શકીશુ અને મારા જીવનમાં આપેલા મુશ્કેલ 'ચેપ્ટર'નો અંત લાવશે.'

1991માં ફિલાલ્ડેફિયાના પેન્સિલવેનિયામાં 24 વર્ષના ટેઈ જુંગ નામના શખસને લૂંટીને તેની હત્યા કરી દેવાઈ હતી. તે તેના મિત્ર સાથે જઈ રહ્યો હતો ત્યારે આ ઘટના બની હતી. મૃતકના મિત્રએ પોલીસને જણાવ્યું હતું કે, બે અશ્વેત શખસોએ તેમના પર હુમલો કર્યો હતો. તેમાંથી એક લાલ કલરનું શોર્ટ્સ પહેર્યું હતું અને બીજા શખસે બ્લૂ હુડેડ સ્વીટશર્ટ પહેર્યું હતું. તેની થોડી સેકન્ડોમાં જ પોલીસે કાર લઈને જઈ રહેલા ચેસ્ટર હોલમેનની ધરપકડ કરી લીધી હતી. જોકે, તેની પાસેથી કોઈ હથિયાર મળી આવ્યું ન હતું. ચેસ્ટરે પોલીસને ઘણી વિનંતી કરી હતી કે, તેનો આ હત્યામાં કોઈ હાથ નથી. પરંતુ, ઘટના સ્થળે રહેલા એક શખસે ચેસ્ટરની ખોટી ઓળખ કરતા તેને 28 વર્ષ સુધી ખોટી રીતે જેલમાં સડવું પડ્યું. જે શખસની જુબાનીના કારણે ચેસ્ટરને આટલા બધા વર્ષ ખોટી રીતે જેલમાં રહેવું પડ્યું તે ડ્રગ એડિક્ટ હતો અને માનસિક સમસ્યાથી પણ પીડાતો હતો.

ઉલ્લેખનીય છે કે, વર્ષ 2016માં અમેરિકાના કોલરેડોમાં એક યુવકને ખોટા રેપ કેસમાં 28 વર્ષ જેલમાં રહેવું પડ્યું હતું. બાદમાં રેપ પીડિતાએ એવું સ્ટેટમેન્ટ આપ્યું હતું કે, તેણે રેપ કરનારાને સપનામાં જોયો હતો. તે પછી કોર્ટે આ કેસમાં આરોપી બનાવાયેલા ક્લેરેન્સ મોજેજ-અલ નામના યુવકને મુક્ત કરવાનો આદેશ આપ્યો હતો.