અમેરિકાના પહાડો પર મળી રહ્યા છે રહસ્યમય એન્ટેના, ષડયંત્ર કે રૂપિયા છાપવાનું મશીન?

વોશિંગ્ટન: અમેરિકાના યુટામાં સોલ્ટ લેક સિટીની આસપાસ અજબગજબ એન્ટેના જોવા મળી રહ્યા છે. આ એન્ટેના કોણે લગાવ્યા અને કેમ લગાવ્યા છે, તે અંગે જાણી શકાયું નથી. સ્થાનિક મીડિયા રિપોર્ટસ મુજબ, દરેક એન્ટેનાની સાથે એક બેટરી પેક, એક રાઉટર અને એક સોલર પેનલ પણ લગાવેલી છે. અત્યાર સુધીમાં આવા 12 એન્ટેના શોધવામાં આવી ચૂક્યા છે. જાહેર જગ્યા પર કોઈપણ પ્રકારનું નિર્માણ ગેરકાયદેસર છે. એટલે સોલ્ટ લેક સિટીનું જાહેર ભૂમિ વિભાગ આ એન્ટેનાઓને હટાવવાના કામમાં લાગી રહ્યું છે. કથિત રીતે કેટલાક એન્ટેના યુટા યુનિવર્સિટીમાં પણ મળી આવ્યા છે. સોલ્ટ લેક સિટીના મનોરંજક ટ્રેલ્સ મેનેજર ટાયલર ફોનારોના જણાવ્યા મુજબ, એન્ટેના સૌથી પહેલા લગભગ એક વર્ષ પહેલા જોવા મળ્યા હતા. તેના પર કોઈ પ્રકારની ઓળખનું નિશાન ન હતું. એક એન્ટેના લગભગ 7,000 ફૂટની ઊંચાઈ પર એક પહાડ પર મળી આવ્યું હતું. ફોનારો મુજબ, એક વ્યક્તિ એકલો તેને પહાડ પર લગાવી શકે છે. કેમકે, આ સેટઅપના ત્રણ કોમ્પોનન્ટ છે, જે સૂટકેસના આકારના છે. તેમણે કહ્યું કે, 'કથિત રીતે તે લગભગ 20-25 કિલોગ્રામના હતા. તેમાં 5-6 એન્ટેના અને એક સોલર પેનલ હતી.'


ક્રિપ્ટોકરન્સીની થઈ રહી છે માઈનિંગ?
ફોનારો મુજબ, શરૂઆતમાં તેમણે વિચાર્યું કે, તે કોઈ પ્રકારનું સેલફોન બૂસ્ટર છે. જોકે, સ્થાનિક મીડિયાએ આશંકા વ્યક્ત કરી કે, તે બિટકોઈન જેવી ક્રિપ્ટોકરન્સી હીલિયમના માઈનિંગ સાથે જોડાયેલું હોઈ શકે છે. એક મોટું નેટવર્ક બનાવી એન્ટેના દ્વારા હીલિયમનું માઈનિંગ થાય છે. તેમાં ક્રિપ્ટોકરન્સી કવરેજ દ્વારા બને છે. ફોનારોએ એ વાતનો પણ ઉલ્લેખ કર્યો કે, આ એન્ટેના યોજનાએ અત્યાર સુધી જાહેર જમીનને કોઈ પ્રકારનું નુકસાન નથી પહોંચાડ્યું. તેમણે કહ્યું કે, જો કોઈ વૈજ્ઞાનિક ઉદ્દેશ્યથી આ પ્રકારના એન્ટેના લગાવાય છે, તો અમે મંજૂરી આપીશું.

પહાડો પરથી હટાવાઈ રહ્યા છે એન્ટેનાશહેરના અધિકારીઓ બરફાચ્છાદિત પહાડો પર જઈને એન્ટેના હટાવવાનું કામ કરી રહ્યા છે. ઘણા એન્ટેના હટાવાઈ પણ ચૂક્યા છે, તો કેટલાક આવનારા સમયમાં મળવાની આશા છે. જ્યારે તેની તસવીરો ટ્વિટર પર શેર કરાઈ તો ઘણા લોકોએ તેને ખતરો જણાવ્યા. તો, ઘણા યૂઝરે કહ્યું કે, તે હીલિયમ માઈનિંગ સાથે જોડાયેલા એન્ટેના છે.