બરાક ઓબામાએ રાહુલ ગાંધીને નર્વસ નેતા ગણાવ્યા, કહ્યું- ઝનૂનની તેમનામાં કમી

ન્યુયોર્કઃ અમેરિકાના પૂર્વ રાષ્ટ્રપ્રમુખ બરાક ઓબામા (Barack Obama)એ રાહુલ ગાંધી (Rahul Gandhi)નો ઉલ્લેખ પોતાના પુસ્તકમાં કર્યો છે. ઓબામાએ પોતાના આત્મકથા 'અ પ્રોમિસ્ડ લેન્ડ' (A promised Land)માં કોંગ્રેસના નેતા રાહુલ ગાંધીનો ઉલ્લેખ કર્યો છે. ઓબામાએ પોતાની આત્મકથામાં રાહુલ ગાંધીને નર્વસ અને ઓછી યોગ્યતાવાળા નેતા ગણાવ્યા છે. પોતાના પુસ્તકમાં ઓબામાએ ભારતના પૂર્વ વડાપ્રધાન મનમોહનસિંહ (Manmohan Singh)નો પણ ઉલ્લેખ કર્યો છે.

બરાક ઓબામાએ પોતાના પુસ્તકમાં લખ્યું છે, 'રાહુલ ગાંધી એક એવા વિદ્યાર્થી છે જેમણે કોર્સવર્ક તો કર્યું છે અને શિક્ષકને પ્રભાવિત કરવા માટે ઉત્સુક પણ રહ્યા છે પરંતુ આ વિષયમાં મહારત હાંસલ કરવા માટે ક્યાં તો તેમનામાં યોગ્યા નથી અથવા ઝનૂનની કમી છે.' તેમણે રાહુલ ગાંધીને નર્વસ અને ઓછી ગુણવત્તા ધરાવનારા પણ કહ્યા છે.

'યોગ્યતા કે ઝનૂનની કમી'

ન્યુયોર્ક ટાઈમ્સે ઓબામાના સંસ્મરણ 'અ પ્રોમિસ્ડ લેન્ડ'ની સમીક્ષા કરી છે. જેમાં પૂર્વ રાષ્ટ્રપ્રમુખે દુનિયાભરના રાજકીય નેતાઓ સિવાય અન્ય વિષયો પર પણ વા કરી છે. ન્યુયોર્ક ટાઈમ્સમાં પબ્લિશ સમીક્ષા પ્રમાણે રાહુલ ગાંધીના વિષયમાં ઓબામાએ કહ્યું છે કે તેમનામાં ગભરાયેલા અને અપરિપક્વ વિદ્યાર્થીના ગુણ છે જેણે આખો કોર્સ પૂર્ણ કરી લીધો છે અને તે પોતાના શિક્ષકને પ્રભાવિત કરવા માગે છે, પરંતુ તેમનામાં વિષયમાં સફળતા મેળવવાની યોગ્ય તા કે ઝનૂનની કમી છે.

સોનિયા ગાંધીનો પણ કર્યો છે ઉલ્લેખ

બરાક ઓબામાએ રાહુલ ગાંધીના માતા અને કોંગ્રેસ અધ્યક્ષ સોનિયા ગાંધી (Sonia Gandhi)નો પણ ઉલ્લેખ કર્યો છે, તેમણે કહ્યું છે કે, "આપણને ક્રિસ્ટ અને રહમ એમેનુઅલ જેવા પુરુષોના હેન્ડસમ હોવા વિશે કહેવાય છે પરંતુ મહિલાઓના સોંદર્ય વિશે નહીં. માત્ર એક કે બે જ ઉદાહરણ અપવાદ છે જેમ કે સોનિયા ગાંધી."

મનોમોહનની પ્રશંસા, પુતિનને ગણાવ્યા 'ચાલાક બોસ'

સમીક્ષામાં કહેવામાં આવ્યું છે કે, અમેરિકાના પૂર્વ સંરક્ષણ મંત્રી બોબ ગેટ્સ અને ભારતના પૂર્વ વડાપ્રધાન મનમોહસિંહ (Manmohan Singh) બન્ને એકદમ પ્રામાણિક છે. તેમાં કહેવામાં આવ્યું છે કે રશિયાના રાષ્ટ્રપ્રમુખ વ્લાદિમિર પુતિન ઓબામાને શિકાગો મશીન ચલાવનારા મજબૂત, ચાલાક બોસની યાદ અપાવે છે. પુતિન વિશે ઓબામા લખે છે, "શારીરિક રીતે તેઓ સાધારણ છે." ઓબામાના 786 પાનાનું પુસ્તક 17 નવેમ્બરે બજારમાં આવશે. અમેરિકાના પહેલા આફ્રીકન-અમેરિકન રાષ્ટ્રપ્રમુખ ઓબામાએ પોતાના કાર્યકાળમાં બે વખત 2010 અને 2015માં ભારતની યાત્રા કરી હતી.