બૈરૂત બ્લાસ્ટ : આ નર્સે જીતી લીધાં બધાના દિલ, 3 નવજાતોને છાતીએ વળગાડી બચાવ્યા!

લેબનૉનની રાજધાની બૈરૂતમાં મંગળવારે એવો ભયાનક ધડાકો થયો કે, આખું શહેર વિખેરાઈ ગયું. સોશિયલ મીડિયા પર આ ધડાકાની તસવીર અને વિડીયો વાયરલ થઈ રહ્યા છે. આમાં લોકોની પીડા અને બ્લાસ્ટનો અવાજ છે. રાહતકર્મી હજુ પણ કાટમાળમાં ફેરવાઈ ગયેલી ઈમારતોની નીચેથથી લોકોને શોધી રહ્યા છે. રિપોર્ટ અનુસાર, આ બ્લાસ્ટમાં ઓછામાં ઓછા 135 લોકોના મોત થયા છે જ્યારે 5 હજારથી વધુ લોકો ઘાયલ થયા છે. આ બ્લાસ્ટ દરમિયાન ખેંચવામાં આવેલી એક નર્સની તસવીર સોશિયલ મીડિયા પર ખૂબ વાયરલ થઈ રહી છે, જેના જુસ્સાને બધા સલામ કરી રહ્યા છે.

નવજાતોને પોતાનાથી ન થવા દીધા અલગ


આ તસવીર ફેસબુક પર એક જર્નાલિસ્ટ Bilal Marie Jawichએ શેર કરી છે. જણાવવામાં આવી રહ્યું છે કે, '16 વર્ષથી પ્રેસ માટે ફોટોગ્રાફી કરી રહ્યો છું પણ હું કહી શકું છું કે, આજે મેં જે અશરફિયા વિસ્તારમાં જોયું, ખાસ કરીને Al Roum હોસ્પિટલની સામે, તે ક્યારેય નહોતું જોયું.' એક નર્સ ત્રણ નવજાત બાળકોને પોતાની છાતીએ લગાવીને મદદ માટે ફોન કરી રહી છે. તેની આસપાસનો માહોલ ખૂબ ખતરનાક હતો. લાશો હતી, કાટમાલ હતો અને લોકોની ચીસો.

વાયરલ થઈ ગઈ આ તસવીર


જોતજોતામાં આ તસવીર સોશિયલ મીડિયા પર વાયરલ થઈ ગઈ. હસન સાજવાની નામના એક શખસે તસવીરને શેર કરતા લખ્યું કે, બૈરુત બ્લાસ્ટ બાદ Roum હોસ્પિટલમાં ત્રણ નવજાતોને પકડી ફોન કરી રહેલી આ નર્સને જોઈને લાગે છે કે, દરેક પરીને પાંખો હોતી નથી.

ખૂબ જ દર્દનાક


સોશિયલ મીડિયા પ્લેટફોર્મ પર લોકો આ નર્સને 'હીરો', 'હીરોઈન' અને પરીનું ટાઈટલ આપી રહ્યા છે. ઘણા લોકો એ જોઈને દંગ છે કે, આવા ભયાનક માહોલ વચ્ચે તે કેવી રીતે શાંત રહીને બાળકોની સુરક્ષા માટે પ્રયાસ કરી રહી છે. જણાવી દઈએ કે, સેન્ટ જ્યૉર્જ હોસ્પિટલ યૂનિવર્સિટી મેડિકલ સેન્ટરને Al Roum હોસ્પિટલના નામે પણ ઓળખવામાં આવે છે. આ લેબનૉનની સૌથી જૂની મેડિકલ ઈન્સ્ટીટ્યૂશન્સ પૈકીને એક છે, જેને વિસ્ફોટમાં ગંભીર નુકસાન થયું છે.

અ઼ડધા બૈરૂતમાં અંધારપટ


ધ ફેસિલિટી ડિઝાસ્ટર મેનેજમેન્ટના પ્રવક્તા જ્યૉર્જ સાદે જણાવ્યું કે, 'અહીં ઘણા બધા પીડિતો છે. અમે ચાર નર્સ અને દર્દીને ગુમાવી દીધા છે. આ ઉપરાંત ઘણા વિઝિટર્સ ઘાયલ થયા છે અને મોત પામ્યા છે. આશરે 200 લોકો ઘાયલ થયા છે.' સ્થિતિ એવી છે કે, લેબનૉન હોસ્પિટલના પાર્કિંગ લૉટ્સમાં ઘાયલોની સારવાર થઈ રહી છે. આ ઘડાકામાં ઘણી હોસ્પિટલ ખક થઈ ગઈ. બૈરૂતના મોટાભાગના હિસ્સાઓમાં વિજળી પણ નથી.

હેલ્થ કેર વર્કર્સ માટે આ વર્ષ મુશ્કેલ


આ શક્તિશાળી વિસ્ફોટનું કારણ પોર્ટ વિસ્તારના એક વેરહાઉસમાં અસુરક્ષિત રૂપે રાખવામાં આવેલું 2750 ટન એમોનિયમ નાઈટ્રેટ હતું. બૈરૂતના ગવર્નર મારવન અબૂદે કહ્યું કે, આશરે 3 લાખ લોકો અસ્થાયી રીતે બેઘર થઈ ગયા છે.