બાળકો પેદા કરવા નથી ઈચ્છતી આ મહિલા, આપ્યું વિચિત્ર કારણ

લુથરે કહ્યું છે કે પૃથ્વી પણ વધારે પડતી વસ્તી છે અને તેના કારણે આ ગ્રહને ઘણું નુકસાન થઈ રહ્યું છે તેથી તે બાળકો લાવવા ઈચ્છતી નથી. એટલું જ નહીં તેણે કહ્યું છે કે કોરોના વાયરસના રોગચાળાને જોયા બાદ તેને તેનો આ નિર્ણય વધારે યોગ્ય લાગ્યો છે. સિડની ટેલીગ્રાફના સ્ટેલા મેગેઝિન માટે લખતી એમ્માએ પોતાનો નિર્ણય વિગતવાર સમજાવ્યો છે કે કેમ નાની ઉંમરે જ તેણે આ નિર્ણય લીધો હતો.

એમ્માએ કહ્યું છે કે તે જ્યારે નાની હતી ત્યારે જ તેને લાગ્યું હતું કે આ પૃથ્વી પર વધારે પડતી વસ્તી છે. તેણે લખ્યું છે કે જ્યારે તે 10 વર્ષની હતી ત્યારે તેણે પોતાની આન્ટીને કહ્યું હતું કે તે બાળકો ઈચ્છતી નથી કેમ કે પૃથ્વી પર ઘણા બધા લોકો છે. તેની આ વાત સાંભળીને તેના આન્ટીને ઘણો આઘાત લાગ્યો હતો. એટલું જ નહીં એમ્માએ કહ્યું છે કે તે જ્યારે 20 વર્ષની હતી ત્યારે તે એક યુવકને ઘણો જ પ્રેમ કરતી હતી પરંતુ જ્યારે તેણે પોતાનો નિર્ણય તેને જણાવ્યો તો તેના સંબંધોનો અંત આવી ગયો હતો. તે બાળકો ઈચ્છતો હતો અને હું તેના માટે તૈયાર ન હતી તેથી અમારો સંબંધ ટકી શક્યો નહી.

એમ્માએ લખ્યું છે કે કાઉન્ટીમાં તેનો ઉછેર થયો હોવાના કારણે તે પ્રકૃતિની ઘણી નજીક છે. પરંતુ બાળકો વગર જીવવાની તેની પસંદગી 2006મા તેની માતાના મૃત્યુ બાદ વધારે દ્રઢ બની હતી. જોકે, એમ્માની ઘણી મહિલા મિત્રો છે જેમને બાળકો છે પરંતુ એમ્મા ક્યારેય તેમને આ વાતને લઈને કંઈ કહેતી નથી અને તેઓ પણ એમ્માના નિર્ણયનું સન્માન કરે છે.

એમ્માનું કહેવું છે કે મારા બાળકો ન હોવાથી પૃથ્વીની વસ્તી ઘટી જવાની નથી અને બચી જવાની પણ નથી પરંતુ હું મારા પ્રયાસોથી શક્ય તેટલો હકારાત્મક બદલાવ લાવવા ઈચ્છું છું. એમ્મા શક્ય તેટલી ઓછી વસ્તુઓનો ઉપયોગ કરે છે, સ્થાનિક ઉદ્યોગોને સપોર્ટ કરે છે અને હંમેશા ઓર્ગેનિક પ્રોડક્ટનો જ ઉપયોગ કરે છે. તેણે કહ્યું છે કે મેં ઘણી વખત મારા મિત્રો પાસેથી સાંભળ્યું છે કે તેઓ પોતાના પરિવાર પાછળ કેટલો ખર્ચો કરે છે અને કેટલો કચરો પેદા કરે છે. તેઓ ઘણી વખત બાળકોથી કંટાળી જાય છે. ઘણા લોકો મને સ્વાર્થી કહે છે પરંતુ હું ઈચ્છું છું કે મારું જીવન એ મારું હોય અને હું બીજી જગ્યાએ મારી ઉર્જા ખર્ચ કરવા કરતા પૃથ્વીને બચાવવા પાછળ ઉર્જા ખર્ચ કરવા ઈચ્છું છું.