12 વર્ષના છોકરાના લિંગનો એક્સ રે જોઈ ડૉક્ટર્સ પણ મૂંઝાયા, પછી ખબર પડી કે...

વુહાન: 12 વર્ષના એક છોકરાએ તેને રમવા માટે મા-બાપે લાવી આપેલા મેગ્નેટિક બોલ્સનો એવો ઉપયોગ કર્યો કે તેને લઈને હોસ્પિટલ દોડવું પડ્યું. ચીનમાં બનેલી આ ઘટનામાં છોકરાએ 31 મેગ્નેટિક બોલ્સને પોતાના પેનિસમાં નાખી દીધા હતા. આ બોલ્સ તેના મૂત્રપીંડ સુધી પહોંચી ગયા હતા. બે મહિના સુધી આ હરકત કર્યા બાદ એક દિવસ અચાનક છોકરાને પેટમાં ભયાનક દુ:ખાવો ઉપડ્યો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો હોસ્પિટલમાં છોકરાનો એક્સ રે કરવામાં આવ્યો, જેમાં કંઈક એવું દેખાયું કે એક સમયે તો ડોક્ટરોને પણ પોતાની આંખ પર વિશ્વાસ ન થયો. છોકરાના પેનિસની અંદર કોઈ ગોળ-ગોળ વસ્તુની સળંગ લાઈન દેખાતી હતી, જે તેના મૂત્રપીંડ સુધી જતી હતી. આખરે ડોક્ટરોએ અને મા-બાપે પૂછતાં 12 વર્ષના આ છોકરાએ તેમને જણાવ્યું કે તેના પેનિસમાં દેખાઈ રહેલી વસ્તુ આખરે શું છે. ડોક્ટરો માટે હવે ખરી કસોટી આ તમામ મેગ્નેટિક બોલ્સને કાઢવાની હતી. આ છોકરાની સારવાર કરનારા યુરોલોજિસ્ટ ડૉ. વાંગ જુનના જણાવ્યા અનુસાર, બોલ્સને કાઢવા ખૂબ જ મુશ્કેલ હતા કારણકે તે એકબીજા સાથે ચોંટી જતા હતા. કેટલીકવાર તો તમામ બોલ્સ ચોંટીને એક મોટા બોલનું સ્વરુપ ધારણ કરી લેતા, જેનાથી પ્રોબ્લેમ ઓર વધી જતી. આખરે ડોક્ટરોએ છોકરાના બ્લેડરમાં હવા ભરીને મેગ્નેટિક બોલ્સને એક જગ્યાએ ભેગા કર્યા, અને કોઈ અઘરી સર્જરી કરવાને બદલે સરળતાથી તેને કાઢી લીધા. ચીનના હુબેઈ પ્રાંતના વુહાન શહેરમાં બનેલી આ ઘટનામાં છોકરો થોડા દિવસમાં સંપૂર્ણ સાજો થઈ જશે તેમ ડોક્ટર્સનું કહેવું છે.