લગ્ન કરવા જઈ રહેલા વરરાજા અને વધૂને પોતાના જીવનના આ યાદગાર પ્રસંગની ખુશી હોય તે સ્વાભાવિક છે. જોકે, ઘણી વખત લગ્ન પ્રસંગમાં કેટલીક અનિચ્છનીય ઘટનાઓ પણ બની જતી હોય છે. ફિલાડેલ્ફિયામાં આવી જ એક ઘટના બની છે. જ્યાં કન્યા માટે લગ્નની આ ખુશી પીડામાં પરીણમી હતી. બન્યું એવું કે તે પોતાના પોતાના પતિ સાથે ડાન્સ કરી રહી હતી ત્યારે જ તેનો ઘૂંટણ ડિસ્લોકેટ થઈ ગયો હતો અને તેને તાત્કાલિક હોસ્પિટલ લઈ જવી પડી હતી.
ફિલાડેલ્ફિયામાં જૂલી બેન અને પૌલ રિચટરના લગ્નનો પ્રસંગ હતો. લગ્ન બાદ જૂલી પોતાના પતિ પૌલ સાથે પ્રથમ ડાન્સ કરી રહી હતી. આ દરમિયાન જ્યારે પતિનો હાથ પકડીને પતિના બીજા હાથ પર કમરમાંથી પાછળની તરફ વળી ત્યારે તેના ઘૂંટણમાં ઈજા થઈ હતી. તે પીડાના માર્યા બૂમો પાડવા લાગી હતી. જેના કારણે તેને લગ્ન સ્થળથી તાત્કાલિક હોસ્પિટલ લઈ જવામાં આવી હતી. જ્યાં તેની સારવાર કરવામાં આવી હતી.
પૌલની બહેન દ્વારા આ ઘટના કેમેરામાં કેદ થઈ ગઈ હતી. ફોક્સ ન્યૂઝ સાથેની વાતચીતમાં જૂલીએ હળવાશમાં જણાવ્યું હતું કે, અમે ડાન્સ શીખ્યા ન હતા પરંતુ મને લાગે છે કે અમારે તે શીખવો જોઈતો હતો. હું જ્યારે કમરમાંથી પાછળ વળી ત્યારે મેં તરત જ પૌલને કહ્યું હતું કે મારો ઘૂંટણ ડિસ્લોકેટ થઈ ગયો છે. તેણે તાત્કાલિક મારી સંભાળ લીધી હતી અને બાદમાં અન્ય મહેમાનોએ પણ અમારી મદદ કરી હતી.
ફિલાડેલ્ફિયામાં જૂલી બેન અને પૌલ રિચટરના લગ્નનો પ્રસંગ હતો. લગ્ન બાદ જૂલી પોતાના પતિ પૌલ સાથે પ્રથમ ડાન્સ કરી રહી હતી. આ દરમિયાન જ્યારે પતિનો હાથ પકડીને પતિના બીજા હાથ પર કમરમાંથી પાછળની તરફ વળી ત્યારે તેના ઘૂંટણમાં ઈજા થઈ હતી. તે પીડાના માર્યા બૂમો પાડવા લાગી હતી. જેના કારણે તેને લગ્ન સ્થળથી તાત્કાલિક હોસ્પિટલ લઈ જવામાં આવી હતી. જ્યાં તેની સારવાર કરવામાં આવી હતી.
પૌલની બહેન દ્વારા આ ઘટના કેમેરામાં કેદ થઈ ગઈ હતી. ફોક્સ ન્યૂઝ સાથેની વાતચીતમાં જૂલીએ હળવાશમાં જણાવ્યું હતું કે, અમે ડાન્સ શીખ્યા ન હતા પરંતુ મને લાગે છે કે અમારે તે શીખવો જોઈતો હતો. હું જ્યારે કમરમાંથી પાછળ વળી ત્યારે મેં તરત જ પૌલને કહ્યું હતું કે મારો ઘૂંટણ ડિસ્લોકેટ થઈ ગયો છે. તેણે તાત્કાલિક મારી સંભાળ લીધી હતી અને બાદમાં અન્ય મહેમાનોએ પણ અમારી મદદ કરી હતી.