બ્રિટનના મહારાણી એલિઝાબેથને અંતિમ વિદાય, વૈશ્વિક નેતાઓ સહિત 2000 મહાનુભાવો હાજર રહ્યા

બ્રિટિનના મહારાણી એલિઝાબેથ દ્વિતીય (British Queen Queen Elizabeth II)ની આજે અંતિમવિધી કરવામાં આવશે. તેમને શ્રદ્ધાંજલિ આપવા માટે દેશ વિદેશની જાણીતી હસ્તીઓ અને રાજકીય આગેવાનો ઉપસ્થિત રહ્યા છે. અગાઉ કિંગ ચાર્લ્સ ત્રીજા (King Charles III)એ રવિવારે બકિંગમ પેલેસમાં વિશ્વભરના નેતાઓને આવકાર્યા હતા. અમેરિકન પ્રમુખ જો બાઈડને પણ મહારાણીને અંતિમ શ્રદ્ધાંજલિ અર્પી હતી. 1965 બાદ પ્રથમ વખત કોઈને બ્રિટનમાં રાજકીય અંતિમ સંસ્કારનું સન્માન મળ્યું છે. છેલ્લે બ્રિટનના પ્રથમ વડાપ્રધાન વિસ્ટન ચર્ચિલ (Winston Churchill)ના રાજકીય અંતિમ સંસ્કાર કરવામાં આવ્યા હતા. લંડનના વેસ્ટમિસ્ટર એબેમાં બ્રિટન અને વિશ્વભરની હસ્તીઓ ક્વિનને અંતિમ વિદાય આપવા પહોંચ્યા છે.

ક્વિન એલિઝાબેથના કોફિનને વેસ્ટમિંસ્ટર એબે (Westminster Abbey)થી વેલિંગ્ટન આર્ક ખાતે લઈ જવામાં આવ્યું હતું. તેમના કોફિનને પાર્લામેન્ટ સ્ક્વેર, પાર્લામેન્ટ સ્ટ્રીટ, વ્હાઈટહોલ, હોર્સ ગાર્ડ્સ, ધ મોલ, ક્વિન્સ ગાર્ડન્સ, કોન્સ્ટિટ્યુશન હિલ અને એપ્સલે વે થઈને વેલિંગ્ટન આર્ક ખાતે લઈ જવાશે. કિંગ ચાર્લ્સ અને રોયલ ફેમિલી (Royal Family)ના સભ્યો કોફિનની સાથે ચાલ્યા હતા.

ક્વિનના નિધનને 11 દિવસ પૂરા થઈ જશે અને આ દરમિયાન બ્રિટનના શાહી પરિવારનું અંગત દુઃખ આંતરરાષ્ટ્રીય જગતમાં પણ ચર્ચામાં રહ્યું હતું. બાઈડન અને તેમના પત્ની જિલ બાઈડન લંડનમાં વેસ્ટમિસ્ટર હોલમાં બ્રિટિશ ધ્વજથી લપેટાયેલા કોફિનને શ્રદ્ધાંજલિ પાઠવી હતી. કિંગ ચાર્લ્સે જાપાનના સમ્રાટ નારુહિતોથી લઈને ફ્રાન્સના રાષ્ટ્ર પ્રમુખ ઈમેનુએલ મેક્રોં સહિત ઘણા નેતાઓને આવકાર્યા હતા. તેમની અંતિમ વિદાયમાં 2,000થી વધુ મહાનુભાવો હાજર રહેશે.

ક્વિન એલેઝાબેથ 70 વર્ષ અને 214 દિવસ સુધી બ્રિટનના મહારાણી પદે રહ્યા. 96 વર્ષની વયે તેમણે અંતિમ શ્વાસ લીધા હતા. ક્વિનની અંતિમ વિદાયનો કાર્યક્રમ જે વેસ્ટમિંસ્ટર એબે ખાતે રાખવામાં આવ્યો છે ત્યાં જ ક્વિને નવેમ્બર 1947માં પ્રિન્સ ફિલિપ સાથે પોતાના લગ્નનો કાર્યક્રમ પણ રાખ્યો હતો. તેમના સૌથી મોટા પુત્ર કિંગ ચાર્લ્સ ત્રીજાએ મિલિટ્રી ડ્રેસ પહેર્યો હતો અને તેમને શ્રદ્ધાંજલિ પાઠવી હતી. પોતાના ક્વિનની અંતિમ વિદાય દરમિયાન યુકેમાં બે મિનિટનું મૌન પાળવામાં આવ્યું હતું.