Video: પાણીમાં જન્મ્યું બાળક, વીડિયો થયો વાયરલ

કેલિફોર્નિયા: દરેક પ્રેગનેન્ટ સ્ત્રીને મા બનવાની ખુશી હોવાની સાથે બાળકના જન્મ વખતે તેને કેટલી તકલીફો સહન કરવી પડશે તેનો ડર પણ હોય છે. જોકે, સ્ત્રીના જીવનમાં સૌથી અઘરી ગણાતી આ પળોને કઈ રીતે યાદગાર બનાવી શકાય છે તેનો એક વીડિયો ફેસબુક પર જોરદાર વાયરલ થયો છે, જેમાં અમેરિકાની એક મહિલા પાણીના ટબમાં પોતાના બાળકને ખાસ તકલીફ વિના જ આસાનીથી જન્મ આપતી જોઈ શકાય છે.

થોડા દિવસ પહેલા ફેસબુક પર શેર કરાયેલા આ વીડિયોને અત્યાર સુધી 1.19 લાખ લોકો શેર કરી ચૂક્યા છે, અને 59000 હજાર કરતાં પણ વધારે તો તેને લાઈક્સ મળી ચૂક્યા છે. તેના પર 25 હજારથી પણ વધુ લોકો કૉમેન્ટ પણ કરી ચૂક્યા છે.

આ વીડિયોમાં જે મહિલા દેખાય છે તેનું નામ આઉડ્રા છે, અને તેની સાથે તેનો પાર્ટનર છે. ફેસબુક પર શેર કરાયેલી તેની વીડિયો ક્લિપને અત્યાર સુધી 1.70 કરોડ વ્યૂઝ મળી ચૂક્યા છે. એક્સપર્ટ્સનું માનીએ તો, વોટર બર્થથી મહિલાને ઘણી રાહત રહે છે, અને તેને ડિલિવરી દરમિયાન થતા દુ:ખાવા પણ રાહત રહે છે. અમેરિકામાં તેનું ખાસ ચલણ નથી, પરંતુ યુરોપ, ઓસ્ટ્રેલિયા અને ન્યૂઝીલેન્ડમાં આ પદ્ધતિ ખાસ્સી પ્રચલિત છે.

વીડિયો સાથે કેપ્શન પણ લખેલું છે કે, એક મિડવાઈફ (દાયણ)નો રોલ ખાસ્સો અઘરો હોય છે. તેને દરેક કેસમાં તેને નવા-નવા અનુભવો થતા રહે છે. https://www.facebook.com/plugins/video.php?href=https%3A%2F%2Fwww.facebook.com%2FInlandEmpireMidwives%2Fvideos%2F10154037588424958%2F&show_text=0&width=400