'આતંકવાદીઓએ પિતા સામે પુત્રીને મારી, પત્ની સાથે રેપ કર્યો!'

I am Gujarat

પાંચ વર્ષથી હતા બંધક

ટોરેન્ટો: હક્કાની નેટવર્કના સંકજામાંથી છૂટેલા કેનેડિયન નાગરિકન જોશુઆ બોયલે પોતાના દેશમાં પહોંચી ચૂક્યો છે. જોશુઆ છેલ્લા પાંચ વર્ષથી પોતાની પત્ની અને ત્રણ બાળકો સાથે હક્કાની આતંકીઓના સકંજામાં હતો. શનિવારે જ્યારે તે પોતાના દેશ કેનેડા પહોંચ્યો ત્યારે તેણે પોતાની પાંચ વર્ષની આપવીતી સંભળાવી અને સામે આવ્યું કે, તેના ત્રણ નહીં પણ ચાર બાળકો હતો પણ આતંકીઓએ તેની એક નાની બાળકીને તેની સામે જ મારી નાંખી. એટલું જ નહીં, આતંકવાદીઓએ તેની પત્ની અને અમેરિકન નાગરિક કેટલાન કોલમેન સાથે રેપ પણ કર્યો.

કેદમાં રહીને 4 બાળકોને આપ્યો જન્મ

કેટલાન અને બોયલેને બુધવારે તાલિબાન સાથે જોડાયેલા આતંકી સંગઠનના સકંજામાંથી છોડાવવામાં આવ્યા હતા. કોલમેન તે સમયે પણ ગર્ભવતી હતી અને બંધક રહેતી વખતે તેણે 4 બાળકોને જન્મ આપ્યો. બોયલેના નિવેદન પહેલા તેમના ચોથા બાળક વિશે કોઈને જાણકારી નહોતી.

પત્ની સાથે આતંકીઓએ કર્યું દુષ્કર્મ!

બોયલેએ જણાવ્યું કે, તેની પત્ની સાથે એક ગાર્ડે બળાત્કાર કર્યો. આ દરમિયાન તેના માલિક પણ તેને મદદ કરી રહ્યા હતા. બોયલેએ જણાવ્યું કે, તેઓ અફઘાનિસ્તાનના એવા ગામવાળાઓની મદદ કરવા ગયા હતા, જેઓ અફઘાનિસ્તાન-તાલિબાનના નિયંત્રણ ક્ષેત્રમાં રહે છેઅને જ્યાં કોઈ NGO પણ પહોંચી શક્યું નથી, ન તો કોઈ સરકાર ત્યાંની જરૂરિયાતો પૂરી કરી રહી છે.

ટ્રમ્પે પાકિસ્તાનનો આભાર માન્યો

જણાવી દઈએ કે, પાકિસ્તાની સુરક્ષા દળોએ એક અભિયાન ચલાવીને કેટલાન અને તેના પતિ બોયલે સહિત ત્રણ બાળકોને હક્કાની નેટવર્કના સકંજામાંથી છોડાવ્યા. 2012માં અફઘાનિસ્તાનમાં એક યાત્રા દરમિયાન આ પરિવારનું અપહરણ કરી લેવાયું હતું. ત્યારબાદ અમેરિકન રાષ્ટ્રપતિ ડૉનાલ્ડ ટ્રમ્પે પાકિસ્તાનનો આભાર પણ વ્યક્ત કર્યો હતો અને તેની સાથે નવા સંબંધોની શરૂઆતની પણ ઘોષણા કરી હતી.