જાપાનઃ 5800 ગાય અને 43 ક્રૂ મેમ્બર લઈને જઈ રહેલું જહાજ દરિયામાં ડૂબ્યું

ટોક્યોઃ દક્ષિણ જાપાનમાં બુધવારે 5800 ગાયને લઈને જઈ રહેલું એક જહાજ ડૂબી ગયું. જહાજમાં 43 ક્રૂ સભ્યો પણ સવાર હતા. આ જહાજ ગૂમ થયું તે પહેલાં ખરાબ હવામાનની વચ્ચે ફસાયેલું હોવાનો સંદેશ મોકલ્યો હતો. કોસ્ટગાર્ડના અધિકારીઓએ જણાવ્યું હતું કે બુધવારે મોડી સાંજે પાણીમાંથી એક ક્રૂ સભ્યને બચાવવામાં આવ્યો છે.

ફિલિપાઇન્સના રહેવાસી આ ક્રૂ મેમ્બર ચાલવામાં સક્ષમ છે અને તેની તબિયત સારી છે. તેમણે કહ્યું કે અગાઉ જાપાનની નેવી પી-3 સી સર્વેલન્સ વિમાનમાં જાણવા મળ્યું હતું કે લાઈફ સેવર જેકેટ પહેરેલો એક વ્યક્તિ પાણીમાં બચવા માટે પ્રયાસ કરી રહ્યો છે. ગલ્ફ લાઈવસ્ટોક 1 જહાજે બુધવારે વહેલી સવારે મુશ્કેલીનો મેસેજ મોકલ્યો હતો. આશરે 11,947 ટન વજનનું આ જહાજ પૂર્વ ચાઇના સમુદ્રમાં અમામી ઓશીમા દરિયાકાંઠે 5,800 ગાયો લઇને પસાર થઈ રહ્યું હતું.


તેમણે આ મેસેજ શા માટે મોકલ્યો હતો તેની માહિતી તુરંત જાણી શકાઈ નહોતી. પરંતુ આ વિસ્તારમાં મેસક ટાઇફૂન હોવાને કારણે હવામાન ખરાબ હતું. મુસાફરોના અન્ય સભ્યોમાં 38 ફિલિપિન્સ, બે ન્યુઝીલેન્ડ અને એક ઓસ્ટ્રેલિયાનો છે. ક્રૂના બાકીના સભ્યોની શોધખોળ શરૂ છે. તેમાં 5 વિમાન અને ટ્રેઈન ડાઇવર્સનો પણ સમાવેશ છે.