કોરોના: શેફે તૈયાર કર્યા રીંગણની છાલમાંથી માસ્ક, લાંબો સમય સુધી ચાલી શકશે!

કોરોના વાયરસના કારણે ફેસ માસ્ક અને સેનિટાઈઝરની માગમાં જબરદસ્ત ઉછાળો આવ્યો છે. સાથે જ હવે ‘ન્યૂ નોર્મલ’ બની ગયેલા માસ્ક સાથે કંઈક ક્રિએટીવ કરવાનો આઈડિયા પણ લોકોના મગજમાં આવી રહ્યો છે. જોર્ડિયન શેફ ઓમર સારત્વઈ (Omar Sartwai)એ રીંગણની છાલમાંથી માસ્ક તૈયાર કર્યા છે. વાંચીને નવાઈ લાગી ને! ઓમરે રીંગણની છાલને લેધર જેવા મટિરિયલમાં પરિવર્તિત કરી છે જેનાથી લાંબો સમય ચાલી શકે તેવા માસ્ક તૈયાર કર્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો‘એગપ્લાન્ટ લેધર માસ્ક’ તરીકે ઓળખાતા આ માસ્કને રીંગણની છાલ પર પ્રક્રિયા કરીને તૈયાર કરાયા છે. જો રિપોર્ટ્સનું માનીએ તો, લેધર જેવું ટકાઉ મટિરિયલ તૈયાર કરવા માટે ઓમરે સોલ્ટિંગ, ડીહાઈડ્રેટિંગ અને અંડરવોટર કૂકિંગ જેવી પદ્ધતિઓનો ઉપયોગ કર્યો છે. આ મટિરિયલ તૈયાર કર્યા બાદ તેમાંથી માસ્ક બનાવ્યા છે.તસવીર સૌજન્ય- યૂટ્યૂબ અને ઈન્સ્ટાગ્રામ- omar_sartawiમીડિયા સાથેની વાતચીતમાં તેણે કહ્યું હતું કે, સસ્ટેનેબલ લક્ઝરીનો વિચાર દરેકના મનમાં હોય છે. માટે જ તેણે રીંગણની છાલને પ્રીસર્વ કરીને તેમાંથી લેધર તૈયાર કર્યું. પ્રીઝર્વ કરેલી છાલ રિસાઈકલ કરી શકાય છે અને બાદમાં ઉપયોગમાં લઈ શકાય છે.જોર્ડિયન ડિઝાઈનરો સાથે મળીને ઓમર પોતાના આ ઈનોવેશનને સસ્ટેનેબલ ફેશનમાં મૂકવા માટે કામ કરી રહ્યો છે. સ્થાનિક ડિઝાઈનરો આ માસ્કને સીવવામાં ઓમરની મદદ કરી રહ્યા છે અને જ્વેલરી ડિઝાઈનર રાજકુમારી નેજલા અસીમ (Nejla Asem) માસ્કને આકર્ષક બનાવવામાં મદદ કરે છે. તો શું કહો છો, આ પ્રકારનું માસ્ક ગમ્યું કે નહીં?