ચીને આખરે બનાવી લીધી કોરોના વાયરસની રસી, માણસો પર ટેસ્ટિંગ શરું

પેઇચિંગઃ ચીને કોરોના વાયરસની રસીનું માનવો પર પરીક્ષણ શરું કરી દીધું છે. આ ચીનની પહેલી રસી છે જેને ટર્મિનેટર ઓફ ઇબોલા કહેવાતી ચીનની ટોચની સૈનિક જૈવ-યુદ્ધ નિષ્ણાંત દ્વારા તૈયાર કરવામાં આવ્યો છે. વુહાનથી શરું થયેલી કોરોના વાયરસની આ બીમારી બાદ હજુ પણ ચીન તેની સામે લડી રહ્યું છે. આ બધા વચ્ચે નિષ્ણાંતોએ ચેતવણી ઉચ્ચારી છે કે ભલે હાલ ચીનમાં કોરોના વાયરસનું સંક્રમણ ઓછું થતું નજર આવી રહ્યું હોય પરંતુ હવે તેનો બીજો રાઉન્ડ શરું થઈ શકે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ટોચના શોધકર્તા ચેન વુઈએ મંગળવારે મોડી રાત્રે જાહેર કર્યું કે સરકારે આ રસીને માણસો પર ટેસ્ટ કરવાની મંજૂરી આપી દીધી છે. તેમણે એક ટીવી ચેનલને જણાવ્યું કે, ‘કોરોના વાયરસના ખાત્મા માટ રસી જ એક મોટું હથિયાર સાબિત થશે. જો ચીન આ પ્રકારની રસી બનાવવામાં અને આપણા દેશના દર્દીઓને બચાવવામાં સફળ થાય છે તો તે આપણા દેશની છબી અને વિજ્ઞાન ક્ષેત્રે આપણી પ્રગતિને દર્શાવશે.’ચેને કહ્યું કે, તેમની ટીમ આ રસીના મોટાપાયે ઉત્પાદન માટે કામ કરી રહી છે. કહેવામાં આવી રહ્યું છે કે કોરોના વાયરસની આ રસી એક મહિનાની શોધ બાદ સફળતાપૂર્વક તૈયાર કરવામાં આવી છે. જેમાં ઈબોલાની રસીનો પણ અભ્યાસ કરવામાં આવ્યો છે. ચીનના સરકારી મીડિયા અનુસાર ચેન જ છે જેમણે 2003માં સાર્સના ફેલાવા બાદ મેડિકલ સ્પ્રે બનાવ્યો હતો. આ સ્પ્રેના કારણે 14000 મેડિકલ વર્કર્સના જીવ બચી શક્યા હતા.ટર્મિનેટર ઓફ ઇબોલા કહેવાતી ચેન જેનેટિક એન્જિનિયરિંગ રસી બનાવવાની નિષ્ણાંત છે અને તે એ ટીમનું નેતૃત્વ કરે છે જે જીવલેણ બીમારીઓની રસી બનાવે છે. ચેને કહ્યું કે, ‘મહામારી એક સૈન્ય સંકટની જેમ છે.’ મહત્વનું છે કે ચેન ચીનની પિપલ્સ લિબરેશન આર્મીમાં મેજર જનરલનો રેન્ક પણ ધરાવે છે. 26 જાન્યુઆરીથી જ તે વેક્સીન પર કામ કરી રહી છે.