ભારતમાં એક તરફ બેંકમાંથી મોસ મોટી લોન લઈને પાછી ન ચૂકવનારા ડિફોલ્ટરોની સંખ્યા વધી રહી છે. ત્યારે આવા ડિફોલ્ટરોને કેવી રીતે પાઠ ભણાવી શકાય તેનું તાજું ઉદાહરણ પાડોશી દેશ ચીનમાં જોવા મળ્યું છે. પૂર્વ ચીનના એક શહેરમાં બેંકમાંથી પૈસા લઈને પાછા ન ચૂકવનારા ડિફોલ્ટરોના ફોટો અને પ્રાઈવેટ માહિતી હોર્ડિંગ્સ અને બસ સ્ટોપ પર જાહેર કરવામાં આવી છે.
કોર્ટે તૈયાર કરાવી ‘વોલ ઓફ શેમ’
ચીનમાં બેંકના પૈસા ચૂકવવામાં નિષ્ફળ રહેલા ડિફોલ્ટરોને શરમ આવે તે માટે જૂનમાં અનહુઈ વિસ્તારમાં કોર્ટ દ્વારા ‘વોલ ઓફ શેમ’ તૈયાર કરાવવામાં આવી છે. જેના પર આ ડિફોલ્ટરોની ફોટો સાથેની માહિતી આપવામાં આવી રહી છે. તમને જાણીને આનંદ થશે કે ચીનમાં અત્યાર સુધીમાં આ નવી ટેકનિક કામ કરી રહી છે. એક ડિફોલ્ટરે આગળ આવીને પોતાની લોન ભરી દીધી છે.
જાહેર સ્થળોએ ડિફોલ્ટરોના નામ અને ફોટો મૂકાશે
કોર્ટ દ્વારા મોટી પ્લાસ્ટર્ડ દિવાલ અને શહેરના બધા બસ સ્ટોપ પર 30 ડિફોલ્ટરોના નામ, ફોટો અને પર્સનલ ડિટેઈલ જાહેર કરવામાં આવી છે. કોર્ટ દ્વારા દર મહિને નવા નામો આ ‘વોલ ઓફ શેમ’ પર મૂકવામાં આવશે. એકવાર ડિફોલ્ટર લોન ચૂકવી દેશે તો પોસ્ટરમાં તેની ડિટેઈલ્સના બદલે ‘પેમેન્ટ થઈ ગયું’ એમ લખવામાં આવશે.
ચીનમાં 10.5 મિલિયન ડિફોલ્ટરો
જૂન 2013માં ચીનની કોર્ટે કહ્યું હતું કે, જો લોન ધારક બેંકના પૈસા નહીં ચૂકવે તો તેની પ્રાઈવસી અને સન્માન બંને કંટ્રોલ કરી શકે છે. જાણકારી મુજબ વ્યક્તિનું નામ, જાતિ, ઉંમર, પર્સનલ આઈડેન્ટીફિકેશન નંબર અને ડિટેઈલ્સને ન્યૂઝ પેપર, ટેલિવિઝન, ઈન્ટરનેટ અને હોર્ડિંગ્સ જેવી પબ્લિક ચેનલ પર જાહેર કરી શકે છે. રિપોર્ટ મુજબ ચીનમાં 10.5 મિલિયન લોકો પોતાની લોન ભરવામાં નિષ્ફળ રહ્યા છે.
થિયેટર્સમાં પણ ચાલી ડિફોલ્ટરોની ક્લિપ
આ પહેલા પાછલા મહિને ચીનની આ કોર્ટે થિયેટર્સમાં મૂવી પહેલા ડિફોલ્ટર્સોનું ‘ટ્રેઈલર ઓફ શેમ’નો પ્રીવ્યૂ ચલાવ્યો હતો. આ વીડિયોમાં 26 ડિફોલ્ટરોની ક્લીપ એડિટ કરવામાં આવી હતી. આ પહેલા ચીનમાં આવા ડિફોલ્ટરોને ટ્રાવેલ દરમિયાન બિઝનેસ ક્લાસ અને તેથી ઉપરના ક્લાસની ટિકીટ પર મુસાફરી કરવાથી બ્લેકલિસ્ટ કરી દેવામાં આવ્યા હતા. ત્યારે ભારતમાં પણ લોન લઈને ન ચૂકવનારા ડિફોલ્ટરોને પણ આવી જ રીતે સમાજ સામે ઉઘાડા પાડી દેવા જોઈએ. જેથી કરીને શરમના માર્યા તેઓ લોન ચૂકવવા માટે આગળ આવે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.