ક્યાંથી પેદા થયો કોરોના? આખરે આંતરરાષ્ટ્રીય તપાસ માટે તૈયાર થયું ચીન

બેઈજિંગ: કોરોના વાયરસ બાબતે વૈશ્વિક સ્તરે આલોચનાઓનો સામનો કરી રહેલું ચીન હવે આ મહામારીની ઉત્પત્તિની તપાસ માટે તૈયાર થઈ ગયું છે. ચીનના વિદેશ મંત્રી વાંગ યીએ કહ્યું કે, ચીન કોરોના વાયરસ પેદા થવા સંબંધિત આંતરરાષ્ટ્રીય તપાસ માટે ખુલ્લું છે પણ આ તપાસ રાજકીય હસ્તક્ષેપથી મુક્ત હોવી જોઈએ.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: અમેરિકા પર ટાર્ગેટચીનના વિદેશ મંત્રીએ અમેરિકન પ્રેસિડેન્ટ ડોનાલ્ડ ટ્રમ્પની ટિપ્પણીઓ પર કહ્યું કે, વાયરસની ઉત્પત્તિ અંગે ચીનને કલંકિત કરવા તથા અફવા ફેલાવવાની અમેરિકાની કોશિશો નિષ્ફળ થઈ છે. જણાવી દઈએ કે, વિશ્વ આરોગ્ય સંગઠનની બેઠકથી અલગ પણ અમેરિકા અને ઑસ્ટ્રેલિયાએ વાયરસના ઉદભવ સંબંધિત ઈન્ટરનેશનલ તપાસની માંગણી કરી હતી.આંતરરાષ્ટ્રીય સમુદાય માટે ચીન ખુલ્લુંવાંગ યીએ ચીનના વાર્ષિક સંસદ સત્ર નિમિત્તે વાતચીત કરતા કહ્યું કે, ચીન વાયરસના સ્ત્રોને જોવા માટે ઈન્ટરનેશનલ વૈજ્ઞાનિક સમુદાયની સાથે કામ કરવા માટે ખુલ્લુ છે. અમે જાણીએ છીએ કે, આ તપાસ પ્રોફેશનલ, નિષ્પક્ષ અને રચનાત્મક હોવી જોઈએ.રાજકીય હસ્તક્ષેપથી મુક્ત તપાસ થાયતેમણે કહ્યું કે, નિષ્પક્ષતાનો અર્થ છે કે, તપાસ પ્રક્રિયા રાજકીય હસ્તક્ષેપથી મુક્ત હોય. તમામ દેશોની સંપ્રભુતાનું સન્માન કરો અને અનુમાનના આધારે કોઈને અપરાધી ઠેરવવાનો વિરોધ કરો. જણાવી દઈએ કે, અમેરિકા હંમેશાંથી આરોપ લગાવતું આવ્યું છે કે, કોરોના વાયરસ ચીનની એક અતિ સુરક્ષાવાળી લેબથી લીક થયો છે.ત્યારે ચીની રાષ્ટ્રપ્રમુખે ફગાવી હતી વાતવિશ્વ આરોગ્ય સંગઠનની બેઠકમાં ચીનના રાષ્ટ્રપ્રમુખ શી જિનપિંગે કોરોનાની ઉત્પત્તિ સંબંધિત તપાસની ના પાડી દીધી હતી. તેમણે કહ્યું હતું કે, આ તપાસ કોરોના વાયરસની મહામારી ખતમ થયા બાદ કરાવી શકાય છે. હવે ચીનના હૃદય પરિવર્તને દુનિયાભરના રાજકીય વિશ્લેષકોને આશ્ચર્યમાં મૂકી દીધા છે.નવા કૉલ્ડવૉરની અણી પર અમેરિકા-ચીનચીનના વિદેશ મંત્રીએ દાવો કર્યો કે, અત્યારના તણાવને કારણે અમેરિકા અને ચીન નવા શીત યુદ્ધ તરફ વધી રહ્યા છે. તેમણે ટ્રમ્પ સરકારની આકરી નિંદા કરી. જણાવી દઈએ કે, તાઈવાન અને હોંગકોંગના મુદ્દે પણ ચીન ખુલીને અમેરિકાની ખરી-ખોટી સંભળાવી ચૂક્યું છે.અમેરિકા પર ભડક્યા વિદેશ મંત્રીચીનના વિદેશ મંત્રી વાંગ યીએ અમેરિકા પર ભડકતા કહ્યું કે, ચીન પણ અન્ય દેશોની જેમ વૈશ્વિક મહામારીનું શિકાર થયું છે અને બીજી જરૂરિયાતમંદ સરકારોની મદદ કરી છે. તથ્યોથી અજાણ કેટલાક અમેરિકન નેતાઓએ બહુ બધા જૂઠ્ઠાણાં અને ષડયંત્રો રચ્યા છે. આ રીતના કેસ ઈન્ટરનેશનલ કાયદાના શાસનની કસોટી પર ખરા ઉતરશે નહીં અને તે વિવેકથી પર હશે. આ જૂઠાં, ગેર-ન્યાય સંગત અને ગેરવ્યાજબી છે. ચીનની વિરુદ્ધ આ પ્રકારના વાદ જે લોકો લાવશે તે દિવસમાં જ સપનાં જોઈ રહ્યા છે અને પોતાને અપમાનિત કરશે.’અમેરિકન વિદેશ મંત્રીએ તાઈવાનને આપી હતી શુભેચ્છાઓઅમેરિકન વિદેશ મંત્રી માઈક પોમ્પિયોએ તાઈવાનમાં ફરીવાર રાષ્ટ્રપતિ નિયુક્ત થવા પર ત્સાઈ-ઈંગ વેનને શુભેચ્છાઓ પાઠવી હતી. જ્યારબાદ ચીનના વિદેશ મંત્રાલયે કહ્યું હતું કે, અમેરિકાને આની કિંમત ચુકવવી પડશે.