આ વર્ષે કોરોના વધારે ઘાતક અને જીવલેણ બની શકે છેઃ WHOની ચેતવણી

જિનેવાઃ વર્લ્ડ હેલ્થ ઓર્ગેનાઈઝેશને (WHO)શુક્રવારે ચેતવણી આપી છે કે આ વર્ષે કોરોના વાયરસ વધારે ઘાતક બનવાનો છે. ડબલ્યુએચઓના ડાયરેક્ટર જનરલ ટ્રોડસ ઘેબ્રેયેસસે કહ્યું છે કે, કોરોનાનું બીજુ વર્ષ પહેલા વર્ષની તુલનામાં વધારે જીવલેણ બનવા તરફ આગળ વધી રહ્યું છે. આ સાથે તેમણે ધનિક દેશોને અપીલ કરી છે કે તેઓ હાલમાં બાળકોને વેક્સીન આપ્યા કરતા કોવેક્સ માટે ડોઝનું દાન કરે.
ભારતમાં રશિયન વેક્સિન Sputnik Vનો પ્રથમ ડોઝ લેનારી વ્યક્તિ કોણ છે?તેમણે જણાવ્યું હતું કે, હું સમજી શકું છું કે કેમ ઘણા દેશો પોતાના ત્યાં બાળકોને વેક્સીન આપવા ઈચ્છે છે, પરંતુ હાલમાં તેમણે આ અંગે પુનર્વિચાર કરવો જોઈએ. હું તેમને કોવેક્સ માટે વેક્સીન દાનમાં આપવાની અપીલ કરું છું.

શું છે કોવેક્સ?
કોવેક્સ કોરોના વેક્સીનને લઈને એક ગ્લોબલ કોલાબ્રેશન છે. તેનો હેતું વેક્સીન તૈયાર કરવાની, તેનું પ્રોડક્શન કરવાનું અને પ્રત્યેક દેશને પહોંચાડવાનો છે. આ કોલાબ્રેશનનું નેતૃત્વ GAVI કરી રહ્યું છે. GAVI એપિડેમિક પ્રિપેયર્ડનેસ ઈનોવેશન અને ડબલ્યુએચઓનું ગઠબંધન છે.

ભારતને ભારે પડી છે કોરોનાની બીજી લહેર
આ વર્ષે ભારત માટે કોરોના વધારે ઘાતક રહ્યો છે. બીજી લહેરે દેશમાં હાહાકાર મચાવી દીધો છે. ભારતમાં અત્યારે કોરોનાન લગભગ એટલા કેસ સામે આવી રહ્યા છે જેટલા બાકીના દેશોમાં કુલ મળીને નવા કેસ આવી રહ્યા છે. ભારતમાં અત્યાર સુધી કોરોનાથી 2.60 લાખથી વધારે લોકોના મોત થયા છે. બીજી તરફ જાપાન હાલમાં કોરોનાની ચોથી લહેરનો સામનો કરી રહ્યું છે. ત્યાં હવે ઓલિમ્પિક્સ રદ કરવાની માંગ કરવામાં આવી રહી છે.
ગુજરાતમાં કોરોનાના નવા કેસો ઘટીને 10 હજારની અંદર, વધુ 104ના મોતવિશ્વમાં 33.47 લાખથી વધુ લોકોના થયા છે મોત
કોરોનાથી સમગ્ર વિશ્વમાં અત્યાર સુધી 33.47 લાખથી વધુ લોકોના મોત થયા છે. અમેરિકામાં ઝડપથી રસીકરણ કરવામાં આવી રહ્યું છે અને ત્યાં હાલમાં પરિસ્થિતિ સુધી રહી છે. અમેરિકામાં ગુરૂવારથી 12થી 15 વર્ષના બાળકોને ફાઈઝરની વેક્સિન આપવાનું શરૂ થઈ ગયું છે. જોકે, વિશ્વના સૌથી શક્તિશાળી દેશ ગણાતા અમેરિકાએ પણ કોરોનાનો માર સહન કર્યો છે. ત્યાં અત્યાર સુધી 5.80 લાખથી વધારે લોકોના મોત થયા છે. હવે અમેરિકામાં વેક્સીન લેનારાઓ માટે માસ્ક પહેરવાને લઈને જાહેર કરવામાં આવેલી ગાઈડલાઈન્સ પાછી લેવામાં આવી છે.

ધનિક દેશોએ પોતાની કુલ વસ્તીથી પણ વધારે વેક્સીન ખરીદી છે
અમેરિકા અને કેનેડા જેવા દેશોએ વેક્સીનનો એટલો સ્ટોક કરી રાખ્યો છે જે તેમની સમગ્ર વસ્તીને રસી આપ્યા બાદ પણ બચશે. તેવામાં ડબલ્યુએચઓ એ ચિંતા વ્યક્ત કરી છે કે ગરીબ દેશોમાં વેક્સીનની તંગીના કારણે પરિસ્થિતિ બગડી ના જાય. તેના કારણે ડબલ્યુએચઓના વડાએ કોવેક્સ પ્રોગ્રામ માટે વેક્સીન દાન કરવાની અપીલ કરી છે.