નહીં બને કોરોનાની વેક્સીન, ટ્રમ્પ પણ હારશે... આ જ્યોતિષીની ભવિષ્યવાણીએ બધાને ચોંકાવ્યા

લંડન: કોરોનાની સચોટ ભવિષ્યવાણીનો દાવો કરનારી બ્રિટિશ જ્યોતિષીએ ખુલાસો કર્યો કે, આ મહામારી ક્યાં સુધી ચાલશે. તેમણે એમ પણ જણાવ્યું કે, બ્રિટનમાં આ મહામારી ક્યાં સુધી રહેશે અને અમેરિકાની ચૂંટણીમાં શું થશે. મિરર ડોટ કો ડોટ યુકેના અહેવાલ મુજબ, બ્રિટિશ જ્યોતિષી જેસિકા એડમ્સે ફેબ્રુઆરી 2019માં જ એવો દાવો કર્યો હતો કે, એક વાયરસ સમગ્ર દુનિયાને બરબાદ કરી દેશે. જોકે, એ સમયે તેમના આ દાવા પર કોઈએ વિશ્વાસ નહોંતો કર્યો.

લંડન છોડીને તસ્માનિયાને બનાવ્યું રહેઠાણ
જ્યોતિષી જેસિકા એડમ્સને પોતાની ભવિષ્યવાણી પર એટલો વિશ્વાસ હતો કે, તેમણે માર્ચ 2020માં બુક કરેલી એક પાર્ટીને રદ કરી દીધી હતી. એટલું જ નહીં, તેઓ લંડનમાં આવેલું પોતાનું ઘર છોડીને તસ્માનિયા જતા રહ્યાં હતા. હજુ પણ તેઓ તસ્માનિયામાં જ પોતાના બે પાલતુ શ્વાન અને એક મરઘી સાથે રહે છે.

'કોરોના વેક્સીન નહીં બને, તેની સાથે જીવવું પડશે'
તેમણે ડેલી મેલ સાથેની વાતચીતમાં દાવો કર્યો કે, આગામી વર્ષ સુધી બ્રિટનમાંથી કોરોના વાયરસ લગભગ ખતમ થઈ જશે. જ્યારે કે, સમગ્ર દુનિયાને હજુ કોરોના વાયરસની સાથે જ કામ કરવું પડશે. તેમણે દાવો કર્યો કે, કોરોના વાયરસની કોઈપણ વેક્સીન નહીં બની શકે. એટલે, આપણે તેની સાથે જ જીવવાનું શીખવું પડશે.

'ટ્રમ્પ નહીં હોય અમેરિકાના આગામી પ્રેસિડન્ટ'
અમેરિકાની ચૂંટણીને લઈને તેમણે દાવો કર્યો કે, ત્યાં બાબતો સરળ નથી ચાલી રહી અને ચૂંટણીમાં મોડું થઈ શકે છે. તેમણે એવો પણ દાવો કર્યો કે, અમેરિકાની પાસે એક નવા નેતા હશે. તે ડોનાલ્ડ ટ્રમ્પ માટે સારા સમાચાર નથી. તેઓ અમેરિકાના પ્રેસિડન્ટ નહીં હોય.

બ્રેક્ઝિટને લઈને મોટો દાવો
જેસિકા એડમ્સે બ્રેક્ઝિટને લઈને મોટો દાવો કર્યો. તેમણે કહ્યું કે, બ્રિટન ચાર અલગ-અલગ દેશોમાં વહેંચાઈ જશે. તેમણે કહ્યું કે બ્રિટન માટે જાન્યુઆરી 2021 નોંધ કરવા જેવું વર્ષ છે. તે બ્રિટનને રોમન આક્રમણ પહેલાના 2000 વર્ષ જૂના સમયમાં ધકેલવાનું છે.

2026માં ખતમ હશે જળવાયુ પરિવર્તન ઈમરજન્સીતેમણે દાવો કર્યો છે કે, 2026માં દુનિયામાંથઈ જળવાયુ પરિવર્તન ઈમરજન્સીનો અંત આવી જશે. તેનાથી ગ્રેટ થનબર્ગ પણ એક સામાન્ય જીવન જીવી શકશે.