કોરોનાઃ વૈજ્ઞાનિકોએ શોધી કાઢી N95 માસ્કને ફરીથી ઉપયોગ કરવાની રીત

હ્યુસ્ટનઃ કોરોના વાયરસના જોખમ છતાં N95 માસ્ક જેવા સુરક્ષાના સાધનોની અછતના કારણે તેનો ફરીથી ઉપયોગ કરવા માટે મજબૂર સ્વાસ્થ્ય કર્મીઓની આ સમસ્યાનું વૈજ્ઞાનિકોએ સમાધાન શોધી લીધું છે. સંશોધનકારોએ એન95 માસ્કનો ફરીથી ઉપયોગ કરવા માટે ગરમી અને ભેજનું સંયોજન કરીને તેને ચેપમુક્ત કરવાની નવી રીત શોધી લીધી છે.

જોકે, ઉર્જા વિભાગના એસએલએસી નેશનલ એક્સીલિરેટર લેબોરેટરી, સ્ટેન્ડફોર્ડ યુનિવર્સિટી અને યુનિવર્સિટી ઓફ ટેક્સાસની તબીબી શાખાના સંશોધકોએ જોયું કે ઉચ્ચ સાપેક્ષ ભેજમાં એન95 માસ્કને ધીમે ધીમે ગરમ કરવાથી તેની ગુણવત્તામાં કોઈ ઉણપ આવ્યા વગર માસ્કની અંદર ફસાયેલા સાર્સ-કોવ-2 વાયરસને નિષ્ક્રિય બનાવી શકાય છે.

આ સંશોધનના વરિષ્ઠ લેખક સ્ટેન્ડફોર્ડના ભૌતિક વૈજ્ઞાનિક સ્ટીવન ચૂએ કહ્યું છે કે હકિકતમાં આ એક સમસ્યા છે તેથી જો તમે કેટલીક વખત માસ્કને રીસાઈકલ કરવાની રીત શોધી શકો છો તો આ સમસ્યા દૂર થઈ જાય છે. ચૂએ કહ્યું હતું કે તમે પ્રત્યેક ડોક્ટર કે નર્સની કલ્પના કરી શકો છે કે તેમની પાસે એક ડઝનથી વધારે માસ્કનો પોતાનો અંગત સંગ્રહ થવા જઈ રહ્યો છે. કોફી બ્રેક દરમિયાન તેઓ પોતાના માસ્કને ચેપમુક્ત કરી શકશે.

નવા સંશોધનમાં ચૂ સાથે યુનિવર્સિટી ઓફ ટેક્સાસની તબીબી શાખાના વૈજ્ઞાનિક સ્કોટ વીવર અને સ્ટેન્ડફોર્ડના પ્રોફેસરો યી કુઈ અને વાહ ચિઉએ માસ્કને ચેપમુક્ત કરવાનો પ્રયાસ કરવા માટે ઉષ્મા અને ભેજના સંયોજન પર પોતાનું ધ્યાન કેન્દ્રીત કર્યું હતું. તેમણે પોતાના નમૂનાઓને 100 ટકા સુધીના સાપેક્ષ ભેજ સાથે 25થી 95 ડિગ્રી સેલ્સિયસ તાપમાનમાં 30 મિનિટ સુધી ગરમ કર્યું હતું. 25 સપ્ટેમ્બરે એસીએસ નેનો જર્નલમાં આ સંશોધનના પરિણામોને રજૂ પ્રકાશિત કરવામાં આવ્યા હતા.