કંપનીએ હ્યુમન ટ્રાયલની અનુમતિ માગી
બ્રિટનની રાજધાની લંડનમાં સ્થિત સિગારેટ બનાવતી કંપની લકી સ્ટ્રાઈક સિગરેટના ચીફ માર્કેટિંગ ઓફિસર કિંગ્સલે વ્હીટને કહ્યું કે કંપનીએ અમેરિકાના ફૂડ એન્ડ ડ્રગ એડમિનિસ્ટ્રેશનથી હ્યુમન ટ્રાયલની મંજૂરી માટે અરજી આપી છે. કંપનીને આ મંજૂરી કોઈપણ સમયે મળી શકે છે. મંજૂરી મળ્યા બાદ તાત્કાલિક આ વેક્સીનનું હ્યુમન ટ્રાયલ શરૂ કરવામાં આવશે.
તમાકુના પાનથી નીકળેલા પ્રોટીનથી બની વેક્સીન
આ કંપનીનો દાવો છે કે તેણે તમાકુના પાનથી નીકળતા પ્રોટીનથી આ વેક્સીન તૈયાર કરી છે. કિંગ્સલે વ્હીટને કહ્યું કે, અમને પૂરા ઉમ્મીદ છે કે અમને હ્યુમન ટ્રાયલ માટે મંજૂરી મળી જશે. જેથી અમે લોકોને કોરોના વાયરસની મહામારીથી બચાવી શકીએ. અમારી વેક્સીનને પ્રી-ક્લિનિકલ ટ્રાયલમાં કોવિડ-19 વિરુદ્ધ ઘણો પોઝિટિવ રિસ્પોન્સ મળ્યો છે.
જેનેટિક એન્જિનિયરિંગ દ્વારા બની રહી છે વેક્સીન
લકી સ્ટ્રાઈક સિગારેટ કંપનીનો દાવો છે કે તેઓ જે રીતથી વેક્સીન બનાવી રહ્યા છે, તે અન્યથી બિલકુલ અલગ છે. કંપનીનું કહેવું છે કે, અમે તમાકુના છોડથી પ્રોટીન કાઢીને તેને કોવિડ-19 વેક્સીનના જીનોમ સાથે મિક્સ કર્યું છે, જેનાથી અમારી વેક્સીન તૈયાર થઈ છે. અમે થોડું જેનેટિક એન્જિનિયરિંગ કર્યું છે.
અમેરિકા કોરોના વેક્સીન માટે 2.1 અબજ ડોલર ખર્ચશે
બીજી તરફ અમેરિકામાં દવા કંપની ગ્લેક્સોસ્મિથક્લાઈન અને સનોફી પેસ્ટર કોવિડ-19ના વેક્સીનના 10 કરોડ ડોઝ આપવાની જાહેરાત કરી છે. અમેરિકન સરકાર આ માટે લગભગ 2.1 અબજ ડોલરની રકમ ખર્ચ કરશે.