દુનિયામાં કોરોનાના કુલ કેસનો આંકડો 6.25 કરોડને પાર, 14.58 લાખ લોકોના મોત

સમગ્ર દુનિયામાં કોરોના વાયરસના કેસોમાં સતત વધારો થઈ રહ્યો છે, આ કારણે હવે યુરોપના કેટલાંક દેશોમાં ફરી લોકડાઉન લાગુ કરવામાં આવ્યું છે. પહેલા ફ્રાંસમાં લોકડાઉનની જાહેરાત કરવામાં આવી અને ત્યાં તારીખ 1 ડિસેમ્બર સુધીનું લોકડાઉન લાગુ કરવામાં આવ્યું. ઈંગ્લેન્ડમાં પણ ફરીવખત લોકડાઉન લાગુ કરવામાં આવ્યું છે. સમગ્ર દુનિયામાં કોરોના વાયરસના દરરોજ 7 લાખ કરતા વધારે કેસ સામે આવી રહ્યા છે.

સમગ્ર દુનિયામાં અત્યાર સુધીમાં 62,573,422 લોકો કોરોના વાયરસથી સંક્રમિત થઈ ચૂક્યા છે અને અત્યાર સુધીમાં 1,458,309 લોકોના કોરોનાના કારણે મોત થયા છે. અમેરિકામાં પણ કોરોના વાયરસની નવી લહેર જોવા મળી રહી છે. અમેરિકામાં કોરોના વાયરસ સંક્રમિત લોકોની સંખ્યા 13,610,357 થઈ ગઈ છે અને ત્યાં અત્યાર સુધીમાં 272,254 લોકોના કોરોનાના કારણે મોત થયા છે. જ્યારે બીજી બાજુ સમગ્ર દુનિયામાં અત્યાર સુધીમાં 4.32 કરોડ લોકો કોરોના વાયરસને હરાવીને સાજા થઈ ચૂક્યા છે.

ભારતમાં અત્યાર સુધીમાં કોરોના વાયરસના કુલ 9,392,919 કેસ નોંધાયા છે અને 136,696 લોકોના કોરોનાના કારણે મોત થયા છે. જ્યારે બીજી બાજુ ભારતમાં કુલ 8,802,267 લોકો કોરોનાને હરાવીને સાજા થઈ ગયા છે. ગુજરાતમાં પણ 24 કલાકમાં 1598 નવા કેસ નોંધાયા છે, જેથી કોરોનાના કેસનો કુલ આંકડો 206714 થયો છે અને કુલ મૃત્યુઆંક 3953 થયો છે.