ભ્રષ્ટાચાર કેસઃ પાકના પૂર્વ વડાપ્રધાન નવાઝને 7 વર્ષની સજા

I am Gujarat

નવાઝ શરીફ ભ્રષ્ટાચારના વધુ બે મામલામાં દોષી જાહેર

ફાઈલ તસવીર ઈસ્લામાબાદ: પાકિસ્તાનની એન્ટી-કરપ્શન કોર્ટે પૂર્વ વડાપ્રધાન નવાઝ શરીફ સામે ચાલી રહેલા ભ્રષ્ટાચારના બાકી બે મામલામાં તેને દોષી જાહેર કર્યા. ઈસ્લામાબાદની જવાબદેહી કોર્ટે 68 વર્ષના શરફને અલ અજીજિયા સ્ટીલ મિલ મામલામાં દોષી જાહેર કરતા 7 વર્ષની સજા સંભળાવી. શરીફને 2.5 મિલિયનનો દંડ પણ કરાયો. શરીફ હાલ ભ્રષ્ટાચારના અન્ય એક મામલામાં પહેલેથી જ જેલમાં છે. અમારા ન્યૂઝ Whatsapp પર મેળવવા અહીં ક્લિક કરો

ફેંસલો સંભળાવાયો ત્યારે શરીફ પણ કોર્ટમાં હાજર હતા

ફાઈલ તસવીર ધ ડોન મુજબ, ફેંસલો સાંભળવા માટે નવાઝ શરીફ કોર્ટમાં ઉપસ્થિત હતા. જજ અરશદ મલિકે નવાઝ કોર્ટ રૂમમાં પહોંચ્યા તેની થોડી મિનિટો બાદ જ પોતાનો સંક્ષિપ્ત આદેશ સંભળાવ્યો. કોર્ટે કહ્યું કે, ‘ફ્લેગશિપ ઈન્વેસ્ટમેન્ટ મામલામાં આરોપી સામે કોઈ કેસ નથી બનતો. અલ અજીજિયા સ્ટીલ મિલ કેસમાં આરોપ સાબિત થાય છે.’

શરીફ પાસે છે આ આદેશને પડકારવાનો વિકલ્પ

ફાઈલ તસવીર રાજકીય વનવાસનો સામનો કરી રહેલા નવાઝ શરીફના સમર્થક મોટી સંખ્યામાં કોર્ટની બહાર ઉપસ્થિત રહ્યા હતા. મીડિયા રિપોર્ટસ મુજબ, શરીફ સમયસર કોર્ટ પહોંચી ગયા હતા અને આ દરમિયાન તદ્દન શાંત જોવા મળી રહ્યા હતા. જોકે, શરીફ પાસે આ આદેશને પડકારવાનો વિકલ્પ છે.

શરીફ પર લાગી ચૂક્યા છે ભ્રષ્ટાચારના ઘણા આરોપો

ફાઈલ તસવીર ઉલ્લેખનીય છે કે, આ બંને મામલા પર ગત સપ્તાહે સુનાવણી પૂરી થયા બાદ ફેંસલો સુરક્ષિત રાખી લેવાયો હતો. નવાઝ શરીફ પર આ પહેલા પણ ભ્રષ્ટાચારના ઘણા આરોપ લાગી ચૂક્યા છે. તેમને 10 વર્ષ માટે ચૂંટણી લડવા માટે ગેરલાયક પણ જાહેર કરી ચૂકાયા છે. પહેલેથી જ ભ્રષ્ટાચારના આરોપનો સામનો કરી રહેલા શરીફ માટે આ ફેંસલો મોટો ઝટકો આપનારો છે. ઉલ્લેખનીય છે કે, પાકિસ્તાનના વર્તમાન વડાપ્રધાન ઈમરાન ખાને પોતાના ચૂંટણી પ્રચારમાં શરીફ પરિવારના ભ્રષ્ટાચારનો મુદ્દો જોર-શોરથી ઉઠાવ્યો હતો.