એવી તો શું મજબૂરી હતી કે કપલે ટોઈલેટમાં લગ્ન કર્યા?

I am Gujarat

કપલે ટોઈલેટમાં કર્યા લગ્ન

અમેરિકાના ન્યૂજર્સીમાં એક કપલે કોર્ટના ટોઈલેટમાં લગ્ન કર્યા. એક અસામાન્ય સ્થિતિમાં કપલે ત્યારે લગ્ન કરી લીધા, જ્યારે તેમને લાગ્યું કે તે દિવસે તેમના લગ્ન રદ કરી દેવામાં આવશે. જાણો શું છે સમગ્ર મામલો…

અમેરિકાના ન્યૂજર્સીની ઘટના

ન્યૂજર્સીના મોનમાઉથ કાઉન્ટની ઘટના છે. બ્રાયન અને મારિયા પોતાની ફેમિલી અને ફ્રેન્ડ્સ સાથે કોર્ટમાં આવ્યા હતા. પરંતુ ત્યારે જ બ્રાયનની માતાને શ્વાસ લેવામાં તકલીફ થવા લાગી.

આવી હતી મજબૂરી

કોર્ટના અધિકારીઓએ તરત જ નિર્ણય લેતા દુલ્હાની માતાને બાથરૂમમાં લઈ ગયા અને તેને ઓક્સિજન આપવા લાગ્યા. કપલને તેમના સ્વાસ્થ્યની ચિંતા થઈ, પરંતુ તેમને લાગ્યું કે જો આજે લગ્ન નહીં થાય તો પછી મેરેજ લાઈસન્સ માટે 45 દિવસ માટે રાહ જોવી પડશે.

જજ પણ ટોઈલેટમાં આવ્યા

દુલ્હાની માતા વિના લગ્ન સંપૂર્ણ થઈ શકે તેમ નહોતા. કારણ કે તેમણે પેપર પર સિગ્નેચર કર્યા હતા. એવામાં કપલે ટોયલેટમાં જ લગ્ન કરવાનો નિર્ણય કર્યો. તેના માટે જજ પણ રેસ્ટરૂમમાં આવ્યા હતા. આ લગ્ન 2 જાન્યુઆરીએ થયા હતા. પરંતુ કોર્ટના અધિકારીઓએ બાદમાં તેની તસવીરો ફેસબુક પર શેર કરી હતી.