પાકિસ્તાનને કોઈ હરાવી નથી શકતું: પાક આર્મી ચીફ

રાવલપિંડી: પાકિસ્તાનના આર્મી ચીફ જનરલ રાહીલ શરીફે મંગળવારે કહ્યું કે તેમનો દેશ પહેલેથી મજબૂત હતો અને હવે એટલો મજબૂત થઈ ગયો છે કે કોઈ દુસાહસ નથી કરી શકતું. આપણા જે લોકો શહીદ થયા છે તેમની શહીદી બેકાર નહી જાય. હું દેશના દુશ્મનોને જણાવવા માંગુ છુ કે પાકિસ્તાનને હવે હરાવી નહી શકાય.

જનરલ રાહીલ શરીફ પાકિસ્તાનમાં ડિફેન્સ ડે ના અવસર પર જનરલ હેડક્વોર્ટરમાં આયોજિત એક સમારોહનું સંબોધન કરી રહ્યા હતા. આર્મી ચીફે પાકિસ્તાન માટે લડનારા શહીદોને શ્રધ્ધાંજલી આપી હતી. આર્મી ચીફે કહ્યું કે આતંકવાદના ખાત્મા માટે કાયદા મજબૂત બનાવવાની જરુર છે. હું દેશના દુશ્મનોને સ્પષ્ટતા કરવા માંગુ છુ કે પાકિસ્તાન મજબૂત હતું, હવે અજેય છે. મિત્ર કઈ રીતે બનાવવા તે અમે જાણીએ છીએ, પણ દુશ્મનોને કઈ રીતે કિંમત ચુકવવી તે પણ જાણીએ છીએ. દેશની સુરક્ષા માટે પાકિસ્તાની મિલિટરી કોઈ પણ પગલું લેવા માટે તૈયાર છે.
આર્મી ચીફે પાકિસ્તાન અને ચીનના સંબંધોનું ઉદાહરણ આપતાં કહ્યું કે આ સંબંધ પરસ્પર આદર અને સમાનતાના સિદ્ધાંત પર આધારિત છે. તેમજ ભારતનું નામ લીધા વિના કહ્યું કે, સરહદ પર આપણે ખતરો છે. અમે મિત્રતાની સાથે દુશ્મની પણ કાયદાથી કરવાનું જાણીએ છીએ. https://youtube.com/watch?v=OXWVKHKzzlo+