દાવોસમાં ઈમરાન ખાને છેડ્યો કાશ્મીર રાગ, ટ્રમ્પે કહ્યું- નજર છે

દાવોસઃ સ્વિત્ઝર્લેન્ડમાં વર્લ્ડ ઈકોનોમિક ફોરમના સંમેલનની પૃષ્ઠભૂમિમાં મંગળવારે પાકિસ્તાની વડાપ્રધાન ઈમરાન ખાને અમેરિકન રાષ્ટ્રપતિ ડોનાલ્ડ ટ્રમ્પ સાથે મુલાકાત કરી હતી. આ દરમિયાન બન્ને નેતાઓએ દ્વિપક્ષીય બિઝનેસ ઉપરાંત કાશ્મીર મુદ્દે પણ ચર્ચા કરી હતી. અમેરિકન રાષ્ટ્રપતિ ટ્રમ્પે કહ્યું કે તે કાશ્મીરની સ્થિતિ પર નજર રાખીને બેઠા છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો શું કહ્યું ટ્રમ્પે? પાકિસ્તાની વડાપ્રધાન ઈમરાન ખાન સાથેની મુલાકાત દરમિયાન ટ્રમ્પે કહ્યું કે,’અમે વધારે બિઝનેસ કરી રહ્યાં છીએ અને કેટલાક અન્ય મુદ્દે પણ સાથે મળીને કામ કરી રહ્યાં છીએ. અમે કાશ્મીર પર પણ વાત કરી રહ્યાં છે કે ત્યાં ભારત અને પાકિસ્તાન વચ્ચે શું થઈ રહ્યું છે. અમે આ મુદ્દે બાજનજર રાખી છે અને નજીકથી જોઈ રહ્યાં છીએ.’ ભારત-પાક વચ્ચે મધ્યસ્થતાની દર્શાવી ચૂક્યા છે ઈચ્છા કાશ્મીર પર ભારત-પાક વચ્ચે મધ્યસ્થતાની ઈચ્છા દર્શાવી ચૂકેલા ટ્રમ્પે દાવોસમાં પણ કહ્યું કે આ મુદ્દે ભારત અને પાકિસ્તાનની મદદ કરવા માટે તૈયાર છે. જ્યારે તેને પૂછવામાં આવ્યું કે શું તે આવતા સમયમાં પાકિસ્તાનની મુલાકાતે જશે તો તેમણે જવાબ આપ્યો હતો કે હાલ તો અમે (ટ્રમ્પ અને ઈમરાન) સાથે બેઠા છીએ.