ટ્રમ્પની જાહેરાત, બગદાદી પછી તેનો ઉત્તરાધિકારી પણ ઠાર મરાયો

વોશિંગ્ટનઃ ISISના લીડર અબૂ બકર અલ બગદાદીનો ખાત્મો કર્યા પછી તેના પહેલા નંબરના ઉત્તરાધિકારીને પણ ઠાર મારવામાં આવ્યો છે. અમેરિકન રાષ્ટ્રપતિ ડોનાલ્ડ ટ્રમ્પે ટ્વીટ કરીને આ વાતની જાહેરાત કરી છે. એવું માનવામાં આવી રહ્યું હતું કે બગદાદી પછી હવે આતંકી સંગઠનની કમાન અબ્દુલ્લાહ કાર્દશ પાસે આવી હતી. જોકે, ટ્રમ્પે માર્યા ગયેલા આતંકીનું નામ જાહેર કર્યું નથી. રિપોર્ટ્સ અનુસાર બગદાદી અનેક બીમારીઓથી ગ્રસ્ત હોવાના કારણે આ આતંકી સંગઠનની દેખરેખ કરતો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો શું કહ્યું હતું ડોનાલ્ડ ટ્રમ્પે? બગદાદીના મોત પછી ડોનાલ્ડ ટ્રમ્પે કહ્યું હતું કે તેના ઉત્તરાધિકારી વિશે પણ જાણે છે. ડોનાલ્ડ ટ્રમ્પે રવિવારે જાહેરાત કરી હતી કે ખૂંખાર આતંકી બગદાદી અમેરિકન સેનાના હવાઈ ઓપરેશનમાં ઠાર મરાયો છે. ટ્રમ્પે પોતાની પ્રેસ કોન્ફરન્સમાં કહ્યું હતું કે,’અમે તેના ઉત્તરાધિકારીઓ વિશે પણ જાણીએ છીએ અને અમારી તેમના પર બાજનજર છે.’ ડોનાલ્ડ ટ્રમ્પે ટ્વીટ કરીને કહ્યું કે,’હાલમાં જ પુષ્ટિ થઈ છે કે બગદાદીનો નંબર વન રિપ્લેસમેન્ટ પણ અમેરિકન સેના દ્વારા ઠાર મરાયો છે. તે આઈએસનો લીડર બનવાનો હતો. હવે તેનું મોત થઈ ચૂક્યું છે.’ કોણ હતો બગદાદીનો ઉત્તરાધિકારી? રિપોર્ટ્સ અનુસાર બગદાદીનો ઉત્તરાધિકારી અબ્દુલ્લાહ કાર્દશ હતો. ન્યૂઝવીકના રિપોર્ટમાં જણાવવામાં આવ્યું છે કે કાર્દશ પૂર્વ ઈરાકી તાનાશાહ સદ્દામ હુસેન માટે સેનામાં કામ કરતો હતો. હવે બગદાદી કોઈપણ ઓપરેશનમાં ભાગ લેતો નહોતો પરંતુ તે આદેશ જ આપતો હતો. કાર્દશ જ કમાન સંભાળતો હતો. ઓગસ્ટમાં એક હવાઈ હુમલામાં ઘાયલ થયા પછી તેણે કમાન કાર્દશને સોંપી હતી. ટ્રમ્પે કર્યો હતો હુમલાનો ઉલ્લેખ પ્રેસ કોન્ફરન્સમાં ડોનાલ્ડ ટ્રમ્પે કહ્યું હતું કે જે રીતે લાદેન પછી તેના ઉત્તરાધિકારી હમજાને ઠાર મરાયો તે રીતે જ બગદાદીના ઉત્તરાધિકારીઓ પર પણ નજર રહેશે.