વોશિંગ્ટનઃ ચીન સાથે સરહદ પર ચાલી રહેલા તણાવ વચ્ચે ભારતના સૌથી મોટા મદદગાર બનેલા રાષ્ટ્ર પ્રમુખ ડોનાલ્ડ ટ્રમ્પ અંગે અમેરિકાના ભૂતપૂર્વ સુરક્ષા સલાહકાર જ્હોન બોલ્ટને શંકા વ્યક્ત કરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
તેમણે કહ્યું છે કે જો ભારત-ચીન વચ્ચે તણાવ વધે છે તો તેની કોઈ ગેરંટી નથી કે રાષ્ટ્ર પ્રમુખ ટ્રમ્પ ચીન વિરુદ્ધ ભારતનું સમર્થન કરશે. અમેરિકાએ પ્રત્યેક મોરચે જાહેરમાં ભારતનું સમર્થન કર્યું છે. અમેરિકાના વિદેશ મંત્રી માઈક પોમ્પિયોએ થોડા દિવસ પહેલા જ ચીનને ભારતે આપેલા જવાબની પ્રશંસા કરી હતી.
અમેરિકા-ચીન સંબંધોને આ રીતે જોવે છે ટ્રમ્પ
બોલ્ટને એક ટીવી ચેનલ સાથેની વાતચીતમાં કહ્યું છે કે ચીન પોતાની તમામ સરહદો પર આક્રમક રીતે વ્યવહાર કરી રહ્યું છે, પૂર્વ અને દક્ષિણ ચીન સાગરમાં પણ તથા જાપાન, ભારત અને અન્ય દેશો સાથે તેના સંબંધો ઘણા ખરાબ છે.
ટ્રમ્પ ચીન વિરુદ્ધ ભારતનું કેટલું સમર્થન કરવા માટે તૈયાર છે, તે અંગે તેમણે જણાવ્યું હતું કે મને ખબર નથી કે તેઓ શું નિર્ણય લેશે અને મને નથી લાગતું કે તેને આ અંગે કંઈ ખબર પણ છે. મને લાગે છે કે તે ચીન સાથે ભૂ-રણનીતિક સંબંધ જોવે છે, દાખલા તરીકે વેપારી ચશ્માથી જોવે છે.
ટ્રમ્પ ભારતનું સમર્થન કરશે તેની કોઈ ગેરંટી નથી
તેમણે કહ્યું છે કે મને ખબર નથી કે ટ્રમ્પ નવેમ્બરની ચૂંટણી બાદ શું કરશે, તેઓ મોટા ચીન વેપારી સમજૂતી પર પાછા ફરશે. જો ભારત અને ચીન વચ્ચેના સંબંધો તણાવ ભરેલા બને છે તો મને નથી લાગતું કે તેઓ કોનું સમર્થન કરશે. તેઓ ભારતનું સમર્થન કરશે તેની કોઈ ગેરંટી નથી.