વોશિંગ્ટન: અમેરિકામાં સતત કોરોના વાયરસના કેસમાં વધારો થઈ રહ્યો છે. આ દરમિયાન અમેરિકાના પ્રેસિડેન્ટ ડોનાલ્ડ ટ્રમ્પે જનતાને માસ્ક પહેરવાનો આદેશ આપવાની ના પાડી છે. ડોનાલ્ડ ટ્રમ્પે કહ્યું કે તેઓ અમેરિકન્સને માસ્ક પહેરવાનો આદેશ નહીં આપે. અહીં લોકોને કેટલીક આઝાદી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
ડોનાલ્ડ ટ્રમ્પે ફોક્સ ન્યૂઝ સન્ડે સાથેના એક ઈન્ટરવ્યૂમાં કહ્યું કે હું આ નિવેદનની સાથે સહમત નથી કે જો તમામ લોકો માસ્ક પહેરે તો બધું ગાયબ થઈ જશે. તેમણે ઉચ્ચ હેલ્થ ઓફિસર્સની શરૂઆતની ટિપ્પણીઓ પર કહ્યું કે આપણા સર્જન જનરલે કહ્યું કે માસ્ક પહેરશો નહીં. જેઓ કહી રહ્યા હતા કે માસ્ક પહેરશો નહીં, અચાનક કહી રહ્યા છે કે તમામ લોકોએ માસ્ક પહેરવું જોઈએ. તમને ખ્યાલ છે કે માસ્કથી સમસ્યા પણ થાય છે.
તેમણે કહ્યું કે મને માસ્કમાં વિશ્વાસ છે. હું માનું છું કે માસ્ક સારા છે. પણ, નેશનલ ઈન્સ્ટિટ્યૂટ ઓફ એલર્જી એન્ડ ઈન્ફેક્શિયસ ડિસીઝના નિદેશક ફાઉસીએ કહ્યું કે સોશિયલ ડિસ્ટન્સનો નિયમ કોરોના વાયરસને ફેલાતો રોકવામાં મહત્વની ભૂમિકા ભજવે છે. પણ, મોટાભાગના લોકો બહાર ગયા પછી સોશિયલ ડિસ્ટન્સનું પાલન કરવામાં મુશ્કેલી અનુભવે છે.
ડોનાલ્ડ ટ્રમ્પે એક ઓનલાઈન કાર્યક્રમમાં કહ્યું કે જ્યારે તમે પોતાનું જીવન જીવી રહ્યા છો અને દેશમાં લોકડાઉન ખોલવાના પ્રયાસ કરી રહ્યા છો, તો તમે લોકોના સંપર્કમાં આવશો. આ કારણે આપણે જાણીએ છીએ કે માસ્ક કેટલું મહત્વપૂર્ણ છે. આપણે દરેક જગ્યાએ તેનો ઉપયોગ કરવો જોઈએ.
એક્સપર્ટ્સની ચેતવણી: વાલ્વવાળા માસ્ક પહેરવામાં રહેલું છે મોટું જોખમ