દુબઈ: દુબઈમાં રહેતી એક ભારતીય દીકરીએ ઓછી જગ્યામાં થોડી મિનિટોમાં 100 આસન કરી વર્લ્ડ રેકોર્ડ તોડી દીધો. ખલીજ ટાઈમ્સના અહેવાલ મુજબ, 11 વર્ષની સમૃદ્ધિ કાલિયાએ ત્રીજી વખત વર્લ્ડ રેકોર્ડમાં પોતાનું નામ નોંધાવ્યું છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial
સમૃદ્ધિ કાલિયાએ ગત એક મહિનાની અંદર જ બીજી વખત આ સિદ્ધિ મેળવી છે. ગોલ્ડન બુક વર્લ્ડ રેકોર્ડના ‘થોડી જગ્યામાં સૌથી વધુ ઝડપે યોગના 100 આસન કરવાને લઈને સમૃદ્ધિએ કહ્યું કે, તેની સફળતાનું કારણ કઠોર પરિશ્રમ અને દ્રઢતા છે.’
બુર્જ ખલીફા પર કર્યા યોગાસન
7મા ધોરણમાં ભણતી સમૃદ્ધિએ જાણીતી બિલ્ડિંગ બુર્જ ખલીફામાં આ યોગાસન કર્યા. આ પહેલા, 21 જૂને વિશ્વ યોગ દિવસ પ્રસંગે સમૃદ્ધિએ એક મિનિટમાં 40 યોગ આસન કરી પોતાનો બીજો વર્લ્ડ રેકોર્ડ બનાવ્યો હતો.
6 વર્ષની ઉંમરથી શીખી રહી છે યોગ
પિતા સિદ્ધાર્થ કોલિયાએ કહ્યું કે, સમૃદ્ધિ 6 વર્ષની ઉંમરથી યોગ શીખી રહી છે. આ ક્ષેત્રમાં તેનો રસ રાષ્ટ્રીય અને આંતરાષ્ટ્રીય સ્પર્ધામાં પણ જીત મેળવવામાં મદદરૂપ બની રહ્યો છે.