કોરોના વેક્સીનને લઈ યુરોપિયન દેશોમાં ડખા, ફ્રાન્સ-જર્મનીની 'દાદાગીરી'

કોરોના વાયરસની વેક્સીનને લઈને યુરોપિયન યુનિયનના દેશોમાં ડખા થયા છે. ફાઈઝરની કોરોના વેક્સીનના વિતરણને લઈને યુરોપિયન યુનિયનના દેશોમાં વિવાદ ચાલી રહ્યો છે. ફ્રાન્સ અને જર્મની વેક્સીન મેળવવા માટે નાના દેશો સામે દાદગીરી કરી રહ્યા છે તેવા આક્ષેપ થઈ રહ્યા છે.

યુરોપિયન યુનિયન તમામ 27 સભ્ય દેશોમાં રસીકરણ શરૂ કરવા માટે પ્રતિબદ્ધ છે. યુકે વેક્સીનને મંજૂરી આપી દીધી છે. સૂત્રોના જણાવ્યા પ્રમાણે ફ્રાન્સ અને જર્મની જેવા મોટા દેશો અન્ય સભ્ય દેશો સાથે ચર્ચા કરી રહ્યા છે કે કઈ યુરોપિયન દેશને પ્રાથમિકતા આપવામાં આવે.

ડેઈલી મેલના અહેવાલ પ્રમાણે યુરોપિયન યુનિયનના પોલેન્ડ અને હંગેરી જેવા ઓછા ધનિક દેશો પાસે -70 ડિગ્રી સેલ્સિયસના તાપમાને વેક્સીનને સ્ટોર કરવાની રેફ્રિજરેશનની સુવિધા નથી. તેથી તેવા દેશોમાં નવા વર્ષ પહેલા રસીકરણ શરૂ થઈ શકે તેવી શક્યતા ઓછી છે. હંગેરીમાં રશિયાની વિવાદાસ્પદ સ્પુતનિક-V વેક્સીનને મંજૂરી આપવાની માંગ ઊઠી છે. આ વેક્સીનના ડેટા ઉપલબ્ધ ન હોવા છતાં તેની ટ્રાયલ ચાલી રહી છે.

બ્રિટિશ અધિકારીઓનું કહેવું છે કે બ્રેક્ઝિટના કારણે યુકેમાં વેક્સીનને ઝડપથી મંજૂરી મળી છે. ઈએમએના ભૂતપૂર્વ વડા ગુઈડો રાસીએ દાવો કર્યો હતો કે, બ્રિટને ફક્ત અડધા જ ડેટાનો અભ્યાસ કર્યો છે. જોકે, ડેપ્યુટી ચીફ મેડિકલ ઓફિસર પ્રોફેસર જોનાથન વાન ટેમે તેની ટીકા કરતા કહ્યું હતું કે, જો તમે રેગ્યુલેટર છો જે થોડા પાછળ છો.