યુએન એટલે કે યુનાઈટેડ નેશન્સના એક પ્રોજેક્ટ હેઠળ એ પ્રકારે શક્યતાઓ વ્યક્ત કરવામાં આવી છે કે જો હજુ વધુ 6 મહિના માટે લોકડાઉન વધારવામાં આવશે તો દુનિયામાં સાત મિલિયન એટલે કે 70 લાખ જેટલી અનિચ્છનિય પ્રેગ્નન્સી નોંધાઈ શકે છે. આ અભ્યાસમાં એવું પણ જાણવા મળ્યું છે કે કોરોના વાયરસની મહામારીના કારણે જાતીય હિંસામાં પણ વધારો નોંધાયો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
આ અભ્યાસમાં એ પ્રકારે તારણ નોંધવામાં આવ્યું છે કે લોકડાઉન દરમિયાન ઘરમાં મહિલાઓ પરની હિંસામાં વધારો થયો છે. ઘણાં પરિવાર આર્થિક તણાવ સહન કરી રહ્યા છે. જો દુનિયામાં હજુ વધારે 3 મહિના સુધી લોકડાઉન રહેશે તો જાતીય હિંસાના વધુ 15 મિલિયન જેટલા કેસ નોંધાઈ શકે છે. એક ડેટામાં એવું જાણવા મળ્યું છે કે લોકડાઉન દરમિયાન દુનિયામાં ઓછી અને મધ્યમ આવક ધરાવતા લગભગ 144 કરતા વધુ દેશોમાં મહિલાઓ પર શારીરિક હિંસા અને અનિચ્છનિય પ્રેગ્નન્સીનો ખતરો રહેલો છે.
યુનાઈટેડ નેશન્સના એક નવા ડેટા મુજબ કોરોના વાયરસ મહામારીની દુનિયાની મહિલાઓ અને યુવતીઓ પર આપત્તિજનક અસર પડી શકે છે. કારણકે કોરોના વાયરસની મહામારીમાં અસમાનતા જોવા મળી છે અને લાખો મહિલાઓ અને યુવતીઓની હેલ્થ પર પણ ખતરો રહેલો છે.
16 જુલાઈથી સૂર્ય અને શનિનો સમસપ્તક યોગ, આ 5 રાશિઓએ રહેવું પડશે સાવધાન