ન્યુયોર્ક પહોંચ્યા સુષ્મા સ્વરાજ, 20 દેશોના નેતાઓ સાથે કરશે મુલાકાત

I am Gujarat

UN મહાસભાની આજથી શરુઆત

એજન્સી, ન્યુયોર્કઃ વિદેશ મંત્રી સુષ્મા સ્વરાજ યુએન મહાસભાની આજથી શરુ થઈ રહેલી બેઠકમાં ભાગ લેવા માટે ન્યુયોર્ક પહોંચ્યા છે. ન્યુઝ એજન્સી ANI મુજબ આ વર્ષિક સભામાં અમેરિકા, જાપાન અને ભારત વચ્ચે ત્રિપક્ષીય ચર્ચા થશે. તેની સાથે વિદેશ મંત્રી સુષ્મા સ્વરાજ ભૂતાનના વડાપ્રધાન તહેશિંગ તોબગે સાથે મુલાકાત કરશે.

ભારત-પાક વચ્ચે થશે ચર્ચા?

સત્રની ઔપચારિક બેઠક આજે સંયુક્ત રાષ્ટ્રમાં સુધારના મુદ્દા પર ચર્ચા માટે ડૉનલ્ડ ટ્રમ્પ દ્વારા આયોજિત સમ્મેલનની શરુઆત સાથે થશે. આ દરમિયાન સુષ્મા સ્વરાજન અને પાકિસ્તાનના વિદેશ મંત્રી ખ્વાજા આસિફ આગામી અઠવાડિયે ન્યુયોર્કમાં સામ-સામે આવી શકે છે. 23 સપ્ટેમ્બરે UN સભામાં તેઓ ભાષણ કરશે.

વિદેશમંત્રીનું અમેરિકામાં લાંબું રોકાણ

એક અઠવાડિયાથી વધુ સમય અમેરિકામાં જ રહેશે વિદેશ મંત્રી. આ દરમિયાન તેમની સાથે ભારતનું એક મહત્વપૂર્ણ પ્રતિનિધિમંડળ પણ જવાનું છે. આ લાંબા પ્રવાસ દરમિયાન સુષ્મા સ્વરાજ 20થી વધુ દ્વિપક્ષીય અને ત્રિપક્ષીય ચર્ચાઓમાં ભાગ લેશે. આ દરમિયાન તેઓ ઘણાં મહત્વપૂર્ણ દેશોના નેતાઓને મળવાના છે.

પાકિસ્તાન સાથે થશે ચર્ચા?

પાકિસ્તાનના વિદેશ મંત્રી સાથેની મુલાકાતના સવાલ પર તેમણે કોઈ માહિતી ન હોવાનું જણાવ્યું. તેમણે કહ્યું કે જો રિજનલ મીટિંગમાં પાકિસ્તાનના વિદેશ મંત્રી હાજર રહે તો મુલાકાત થઈ શકે છે. તેની કોઈ ઔપચારિક જાણકારી નથી. વિદેશ મંત્રી યુએનમાં પોતાના સંબોધનના બીજા દિવસે પાછા ફરશે.