પિતાએ 2 વર્ષની દીકરીને રેસ્ટોરાંમાં ગીરવે મૂકી
ચીનના કોશન રિજનના ગુઆંગડોંગમાં એવી ઘટના સામે આવી કે તમે જોઈને કહેશો કે કોઈ પિતા આવું કેમ કરી શકે? એક વિડીયો વાઈરલ થઈ રહ્યો છે. જેમાં જોઈ શકાય છે કે એક વ્યક્તિ રેસ્ટોરાંમાં જમવા માટે આવે છે તેની પાસે પૈસા ઓછા ઓવાથી તે 2 વર્ષની દીકરીને ગીરવે મૂકીને જતો રહે છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો 10 રૂપિયા માટે દીકરીને મૂકીને જતો રહ્યો
રિપોર્ટ મુજબ તે વ્યક્તિએ નૂડલ્સનો ઑર્ડર આપ્યો જેની કિંમત 6 યુઆન એટલે કે લગભગ 60 રૂપિયા હતી. તેની પાસે પાંચ યુઆન (લગભગ 50 રૂપિયા) જ નીકળ્યા. તેણે પાંચ યુઆન ચૂકવી દીધા અને પોતે એક યુઆન(10 રૂપિયા) લઈને આવે ત્યાં સુધી પોતાની દીકરીને અહીં રાખી મૂકો એમ કહીને ત્યાંથી જતો રહે છે. દીકરી રડતી-રડતી તેની પાછળ જાય છે તો તેને ધમકાવીને પાછી રેસ્ટોરાંમાં મોકલી દે છે.
જુઓ વિડીયો
રેસ્ટોરાંના માલિકે જણાવ્યું કે તે વ્યક્તિ બાળકીને મૂકીને ગયો પછી એમ તેને કિચનમં બેસાડી અને તેને દૂધ પીવડાવ્યું. તેની સાથે ગેમ રમી. ઘણો સમય થઈ ગયો પરંતુ તેના પિતા પરત ન આવ્યા એટલે અમે પોલીસને બોલાવી સમગ્ર ઘટના જણાવી.
પિતા પરત ન આવતા પોલીસને જાણ કરાઈ
ઘણા સમય પછી પિતા રેસ્ટોરાં પર પહોંચ્યો તો તેની દીકરી ત્યા નહોતી. તેણે રેસ્ટોરાં માલિકને પુછ્યું તો તેણે કહ્યું કે પોલીસને સમગ્ર ઘટના જણાવી અને તેની દીકરીને પોલીસ સ્ટેશન લઈ જવામાં આવી છે. ત્યાર બાદ પિતા દીકરીને લેવા માટે પોલીસ સ્ટેશન ગયો હતો.
