સાઉદી: મક્કામાં તિરંગો ફરકાવવા બદલ વડોદરાના પિતા-પુત્રની ધરપકડ

I am Gujarat

દેશપ્રેમ બતાવવો પડ્યો મોંઘો

સાઉદી અરબઃ સાઉદી અરબમાં આમ તો અનેક ભારતીયો રહે છે પરંતુ અહી એક ગુજરાતી પિતા-પુત્રને દેશપ્રેમ બતાવવો મોંઘો પડી ગયો હતો. એક રિપોર્ટ અનુસાર પિતા-પુત્ર મક્કા મસ્જિદની બહાર તિરંગા સાથે ફોટો પડાવી રહ્યાં હતાં. આ દરમિયાન તેમની ધરપકડ કરવામાં આવી હતી. વડોદરાના ઈમ્તિયાઝ અલી સૈયદ અને તેના દીકરા ઉમરાવની સાઉદી અરબ પોલીસે ધરપકડ કરી હતી. આ બન્ને સમગ્ર ફેમિલી સાથે હજ યાત્રા કરવા માટે મક્કા ગયાં હતાં. અમારા ન્યૂઝ Whatsapp પર મેળવવા અહીં ક્લિક કરો

વડોદરાનો છે પરિવાર

ઈમ્તિયાઝ સૈયદ ઓપ્ટિકલ શોપમાં મેનેજર છે અને તાંદળજા વિસ્તારમાં રહે છે. આ સમગ્ર મામલે ઈમ્તિયાઝના ભાઈએ જણાવ્યું હતું કે, શનિવારે સવારે દીકરા ઉમરાવને છોડી દીધો હતો. જ્યારે ઈમ્તિયાઝ હજુ પણ પોલીસની અટકાયતમાં જ છે. વડોદરાના રહેવાસી ઈમ્તિયાઝ અને તેનો દીકરો ઉઝૈર સાઉદી અરબમાં ફરવા નીકળા હતાં. આ દરમિયાન તેમણે મક્કા મસ્જિદની બહાર તિરંગા સાથે સેલ્ફી લીધી હતી. જેના કારણે સાઉદી અરબની પોલીસે તેની ધરપકડ કરી હતી.

ધ્વજ ફરકાવવાની છે મનાઈ

જેદ્દાહના કોન્સ્યુલેટ જનરલે ટ્વિટ કરીને જણાવ્યું હતું કે,’મહેરબાની કરી એ વાત ધ્યાનમાં રાખો કે હરમ એરિયામાં ધ્વજ ફરકાવવાની મનાઈ છે. અમારા અધિકારીઓ ઈમ્તિયાઝ અલી અને તેના દીકરા ઉઝૈર અલીને હરમ પોલીસ સ્ટેશનમાં મળ્યાં હતાં. અમારા હસ્તક્ષેપ પછી ઉઝૈર અલીને છોડી મૂકાયો હતો. અમે આ કેસમાં વધુ તપાસ કરી રહ્યાં છે અને ઈમ્તિયાઝ પણ વહેલી તકે મુક્ત થાય તેવા પ્રયત્ન કરીશું’

કડક છે કાયદાઓ

નોંધનીય છે કે સાઉદી અરબમાં કાયદાઓ ખૂબ જ સખત છે. જે અનુસાર મક્કા મસ્જીદની બહાર ફોટો અને સેલ્ફી લેવાની મનાઈ છે. આ મામલે ભારતીય દૂતાવાસને પણ જાણ કરાઈ છે. દૂતાવાસના અધિકારી આ મામલાને ગંભીરતાથી લઈ તપાસ કરી રહ્યાં છે.