એરપોર્ટ ફી બચાવવા માટે 30 કિલો સંતરા ખાઈ ગયા 4 લોકો, અને પછી થઈ ખરાબ હાલત

'અતિની ગતિ હોતી નથી' કહેવત સાંભળીજ હશે તમે. કોઈ પણ વસ્તુ જરૂરિયાત કરતા વધારે નુકસાન પહોંચાડે છે પછી તે પાણી હોય કે સંતરા. થોડા સમય પહેલા એક સમાચાર આવ્યા હતા કે એક વ્યક્તિએ કોરોનાથી બચવા માટે દરરોજ પાંચ લીટર પાણી પીતા હતો જેના કારણે થોડા દિવસ પછી તેની તબિયત ખરાબ થઈ ગઈ. હવે ચીનમાં પણ આવું જ કંઈક બન્યું છે જ્યારે કેટલાક લોકોએ ફ્લાઇટમાં લગેજનો ચાર્જ બચાવવા 30 કિલો નારંગી ખાઈ લીધા અને તેમના મોઢામાં છાલા પડી ગયા.

ચીનના યૂનાન પ્રાંતમાં આવેલા કુન્મિંગ ચાંગશુઇ આંતરરાષ્ટ્રીય વિમાનમથક પર ચાર લોકોએ નિર્ણય કર્યો કે તેઓ 30 કિલો નારંગી ખાઈ લેશે કારણ કે તેઓ આ નારંગીની ફ્લાઇટ ફી તરીકે 3400 રૂપિયા ચૂકવવા માંગતા નથી. ત્યારબાદ આ ચારે લોકોએ 15-20 મિનિટમાં ત્રીસ કિલો નારંગી ખાઈ લીધા.

ચીનના ગ્લોબલ ટાઇમ્સ અખબારના અહેવાલ મુજબ, આ લોકોએ આ નિર્ણય એટલા માટે લીધો કારણ કે નારંગીની ફ્લાઇટ ફી નારંગીની કિંમત કરતા 6 ગણી વધારે હતી. આ જ કારણ છે કે ચાર લોકોએ તેમને એરપોર્ટ પર જ ખાઈ જવાનો નિર્ણય લીધો. જો કે આ નિર્ણય તેમના માટે ખૂબ ખર્ચાળ સાબિત થયો કારણ કે આ પછી ચારેયને મોઢાના અલ્સરનો સામનો કરવો પડ્યો હતો.

જો કે, આ પહેલીવાર નથી જ્યારે લોકોએ ફ્લાઇટમાં સામાનના ચાર્જ બચાવવા વિચિત્ર વર્તન કર્યું હોય. વર્ષ 2018 ની શરૂઆતમાં રાયન વિલિયમ્સ નામના એક કલાકાર જ્યારે પોતાનો લગેજ ચાર્જ બચાવવા માટે આઠ ટ્રાઉઝર અને 10 શર્ટ પહેરતો હતો ત્યારે તે ઘણી હેડલાઇન્સમાં હતો. આ વ્યક્તિ આઇસલેન્ડથી બ્રિટીશ એરવેઝની ફ્લાઇટ પકડી રહ્યો હતો પરંતુ તેની સ્થિતિ જોઈને ફલાઈટ કંપનીએ બોર્ડિંગ પાસ આપવાનો ઈનકાર કરી દીધો હતો.