ઈસ્લામાબાદ: આજકાલ યુવાનોમાં સ્ટાઈલિશ દાઢી રાખવાનો ક્રેઝ સામાન્ય છે. ભારત જેવા દેશમાં લોકો સ્ટાઈલિશ દાઢી રાખીને ફરતા હોય તેવુ દ્રશ્ય જોવા મળવું સામાન્ય છે, પરંતુ ભારતના પડોશી દેશ પાકિસ્તાનમાં તે એટલું સરળ નથી. પાકિસ્તાનમાં દાઢી રાખવી ધર્મ સાથે જોડીને જોવામાં આવે છે. ત્યાં સ્ટાઈલિશ દાઢી રાખવા પર પ્રતિબંધ છે. તેની સાથે સંલગ્ન એક ઘટના પાકિસ્તાનના ખૈબર પખ્તૂનખ્વા પ્રાંતમાં સામે આવી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial અહીં લગભગ 4 વાળંદોની ગ્રાહકોને સ્ટાઈલિશ દાઢી બનાવી આપવા બદલ ધરપકડ કરવામાં આવી. સાથે જ તેમને 5000 રૂપિયાનો દંડ પણ કરાયો. પાકિસ્તાનમાં સ્ટાઈલિશ દાઢી રાખવી બિન-ઈસ્લામિક માનવામાં આવે છે. સોશયલ મીડિયા પર વાઈરલ થઈ રહેલા એક વીડિયોમાં ચારસદ્ધાની ઘટના સામે આવી. ગુરુવારે પાકિસ્તાનના ન્યૂઝ પેપર ડોન ન્યૂઝે જણાવ્યું કે, વિડીયોમાં સામેન નામનો એક વ્યક્તિ, જે દુકાનદાર સંઘનો અધ્યક્ષ છે, તેને ધરપકડમાં પોલીસની મદદ કરતો જોઈ શકાય છે. તે હેરડ્રેસરને પૂછે છે કે, તે સ્ટાઈલિશ રીતે દાઢી કેમ બનાવી રહ્યો હતો, જ્યારે કે તેના પર અહીં પ્રતિબંધ છે. સામેન મુજબ, કેટલાક દિવસ પહેલા સંઘે દાઢીની ડિઝાઈન પર પ્રતિબંધ લાગવી દીધો હતો અને તેની જાણકારી બધા વાળંદોને આપી દેવામાં આવી હતી. વિડીયોમાં કહેવાયું છે કે, અમારા નિર્ણય છતાં કેટલાક વાળંદ સ્ટાઈલિશ ડિઝાઈનમાં દાઢીને ટ્રિમ કરી રહ્યા હતા. પોલીસે ચાર વાળંદોને 5-5 હજાર રૂપિયાનો દંડ કર્યો છે.
એ જ રીતે પેશાવરમાં હેરડ્રેસરના એક સંઘે પણ સ્ટાઈલિશ ડિઝાઈનમાં ગ્રાહકોની દાઢીને આકાર આપવા પર પ્રતિબંધ લગાવવાનો નિર્ણય કર્યો હતો, તેને ઈસ્લામની વિરુદ્ધ જણાવ્યું હતું.