'બે સેકન્ડમાં બધું તબાહ થઈ ગયું': ઈઝરાયલના હુમલામાં વિદેશી મીડિયાની ઓફિસો ધ્વસ્ત

હાલમાં ઈઝરાયલ અને હમાસ વચ્ચે યુદ્ધ જેવી પરિસ્થિતિ ઊભી થઈ છે. હમાસે કરેલા હુમલાના વળતા જવાબમાં ઈઝરાયલે 12 માળના ગાઝા ટાવર પર હુમલો કર્યો હતો અને તેને ધ્વસ્ત કરી દીધું હતું. આ ટાવરમાં યુએસની એસોસિયેટેડ પ્રેસ અને કતારના બ્રોડકાસ્ટર અલ જઝીરાની ઓફિસો હતી. શનિવારે ઈઝારયલના મિસાઈલ હુમલામાં આ બિલ્ડિંગ ધ્વસ્ત થઈ ગયું હતું.
તેમને મોટી કિંમત ચૂકવવી પડશેઃ હમાસ પર હુમલા વચ્ચે ઈઝરાયલના વડાપ્રધાનની ચેતવણીમિલેટ્રીએ તમામ લોકોને બિલ્ડિંગ ખાલી કરવાનો આદેશ આપ્યો હતો અને તેના એક કલાક બાદ હુમલો થયો હતો. આ બિલ્ડિંગમાં અલ-જઝીરા અને અન્ય ઓફિસો ઉપરાંત રેસિડેન્શિયલ એપાર્ટમેન્ટ્સ પણ હતા. આ હુમલામાં 12 માળની આખી ઈમારત ધ્વસ્ત થઈ ગઈ હતી. જેના કારણે ધુમાડા અને રેતનું મોટું વાદળ ઊભું થયું હતું. આ ઈમારત પર શા માટે હુમલો કરવામાં આવ્યો છે તેની હજી સુધી કોઈ જાણકારી આપવામાં આવી નથી.

અલ-જઝીરાએ પોતાના એક કોરસપોન્ડન્ટના હવાલેથી જણાવ્યું હતું કે, બે જ સેકન્ડમાં બધું ગાયબ થઈ ગયું.
યુદ્ધની તૈયારીમાં ઈઝરાયલ, ગાઝા બોર્ડર પર કરાયો ટેન્કોનો ખડકલોજેરુસલેમમાં હિંસા થયા બાદ યહુદીઓ અને આરબો વચ્ચે રમખાણો શરૂ થઈ ગયા હતા અને સમગ્ર શહેરમાં ફેલાયા હતા. વેસ્ટ બેંકમાં પેલેસ્ટાઈનીઓએ શુક્રવારે દેખાવો કર્યા હતા. જ્યાં ઈઝરાયલના લશ્કરે હુમલા કર્યા હતા જેમાં 11 લોકોના જીવ ગયા હતા.

ઈઝરાયલ હાલમાં હુમલાઓ રોકવાના મૂડમાં નથી. વડાપ્રધાન બેન્જામીન નેતન્યાહુએ શુક્રવારે હમાસને ચેતવણી આપી હતી. તેમણે ચેતવણી ઉચ્ચારતા કહ્યું હતું કે, તેમને આની મોટી કિંમત ચૂકવવી પડશે.