પાકિસ્તાનમાં સેનાની દખલગીરી વધી, બાજવાની ચીનમાં ઈમરાન સાથે મહત્વની બેઠક

બેજિંગઃ ફરી એકવાર પાકિસ્તાનમાં વડાપ્રધાન કરતા સૈન્યની તાકાત વધી રહી છે. ચીનના પ્રવાસે ગયેલા પાકિસ્તાનના વડાપ્રધાન ઈમરાન ખાનની સાથે તેમના સૈન્ય વડા જનરલ કમર જાવેદ બાજવા પણ સાથે ગયા છે. આર્થિક મામલે દખલગીરી કર્યા બાદ હવે સેના પ્રમુખ વિદેશ નીતિમાં પણ દખલગીરી કરી રહ્યા છે. પાકિસ્તાનમાં 1947 બાદ ત્રણ વખત સૈન્યએ બળવો કર્યો છે. ફરી એકવાર પાકિસ્તાનમાં સેના ડ્રાઈવિંગ સીટ પર આવતી દેખાઈ રહી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ઈમરાનના ચીન પ્રવાસ પર જનરલ બાજવા પણ ટોપ લીડર્સ સાથે મહત્વની બેઠકોમાં ભાગ લઈ રહ્યા છે. આ બાદ મીડિયામાં એવી ખબરો આવી રહી છે કે જનરલ બાજવા પાકિસ્તાન સરકારના કામકાજમાં દખલગીરી કરી રહ્યા છે. એવું પણ કહેવાય છે કે, પાકિસ્તાનની ચૂંટાયેલી સરકારો સેનાના દબાણમાં કામ કરતી હોય છે.મંગળવારે ચીનના વડાપ્રધાન લી કચિયાંગ અને સેન્ટ્રલ મિલિટરી કમિશનના વાઈસ ચેરમેન સાથે ઈમરાનની બેઠકમાં બાજવા હાજર રહ્યા હતા. આ બેઠક દરમિયાન બન્ને દેશોના સૈન્ય સંબંધોને લઈને ચર્ચા થઈ હતી. ચીનના રાષ્ટ્રપ્રમુખ શી જિનપિંગ અને નેશનલ પીપલ્સ કોંગ્રેસ (NPC)ના ચેરમેનલી ઝાંશૂ સાથે આ મહિને થનારી બેઠકમાં પણ ઈમરાન સાથે બાજવા હાજર રહી શકે છે.સંયુક્ત રાષ્ટ્રમાં પણ ઈમરાન સાથે હતા બાજવાઆ પહેલા ઈમરાન ખાન જ્યારે સંયુક્ત રાષ્ટ્ર મહાસભાની બેઠકમાં ગયા હતા, ત્યારે પણ તેમની સાથે જનરલ બાજવા ગયા હતા, આ સિવાય ISI ચીફ લેફ્ટેનન્ટ જનરલ ફેઝ હમીદ પણ હતા. પાકિસ્તાનની ઈકોનોમીમાં કઈ રીત સુધાર લાવી શકાય આ અંગે જનરલે ઉદ્યોગપતિઓ સાથે બેઠક કરી હતી. આમ ધીમે-ધીમે પાકિસ્તાનમાં સૈન્યનું વર્ચસ્વ સરકાર વધી રહ્યું છે.