બાથરૂમના ગીઝરમાંથી લીક થતો હતો ગેસ, રૂમમાંથી મૃત અવસ્થામાં મળી બે બહેનો

પાકિસ્તાનના પંજાબ પ્રાંતમાં બે બહેનોની કથિત રીતે બાથરૂમમાં રહેલા ગીઝરમાંથી ગેસ લીક થવાના કારણે મોત થઈ ગયા. આ બંને બહેનો બ્રિટિશ નાગરિક હતી અને પોતાના દાદાની પુણ્યતિથિ પર પાકિસ્તાનમાં આવી હતી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: એવું કહેવાઈ રહ્યું છે કે બાથરૂમમાં ગીઝરમાંથી ગેસ લીક થવાથી મારિયા અને તેની નાની બહેન નાદિયા રહેમાનનું મોત થઈ ગયું. બંને ઘરના ફર્શ પર નીચે પડેલી હાલતમાં મળી આવી. તેમને તાત્કાલિક હોસ્પિટલ લઈ જવામાં આવી જ્યાં બંનેને મૃત જાહેર કરાઈ. 12 જાન્યુઆરીએ થયેલી મોતની ખબર ઈન્ટરનેશનલ મીડિયામાં હવે સામે આવી છે. પાકિસ્તાની અધિકારીઓએ કહ્યું કે, તેઓ મામલાની તપાસ કરી રહ્યા છે. પોસ્ટ મોર્ટમની રિપોર્ટ સાથે જોડાયેલી જાણકારી હજુ સામે આવી નથી. બીજી તરફ પાકિસ્તાની મીડિયાનું કહેવું છે કે પેરેન્ટ્સે દીકરીઓનું મોત દુર્ઘટનામાં થયું હોવાનું માની લીધું છે અને કાયદાકીય કાર્યવાહી કરવા વિશે કોઈ વિચાર નથી કરી રહ્યા. પાકિસ્તાનમાં રહેલા છોકરીઓના સંબંધીઓ પણ આ મામલે વાત કરવાથી પીછે હઠ કરી રહ્યા છે. આ બાદ ઘણા પ્રકારની અફવા સોશિયલ મીડિયા પર આવવા લાગી. ધ સનની રિપોર્ટ મુજબ, કેટલાક લોકોનું માનવું છે કે મારિયા અને નાદિયાનું ઓનર કિલિંગ થયું છે. પરંતુ બંને બહેનોની સાવકી માતાએ આવા આરોપોને નકારી દીધા છે અને તેમને માલુમ છે કે બંને બહેનોની મોત ગેસ લીકેજથી થયું છે. ઉલ્લેખનીય છે કે હાલમાં જ મુંબઈમાં પણ એક 16 વર્ષની છોકરીનું બાથરૂમમાં ફીટ કરેલા ગીઝરમાંથી કાર્બન મોનોક્સાઈડ લિકેજના કારણે મોત થઈ ગયું હતું. ગીઝરમાં પાણીને ગરવા કરવા માટે ગેસ બર્નર્સનો ઉપયોગ કરાય છે. એવામાં ગીઝર વાપરતા સમયે બારી હંમેશા ખુલ્લી રાખવી જોઈએ કારણ કે ગેસને સળગવા માટે ઓક્સીઝનની જરૂર પડે છે. એવામાં હવાની અવર-જવર માટે કોઈ જગ્યા ન રહે તો તે જીવલેણ બની શકે છે.