ચીનમાં રહેતી 15 વર્ષની શાઓ ફેંગ ઘરમાંથી પણ બહાર નીકળતા ડરતી હતી જેનું કારણ હતું તેને વૃદ્ધ લાગતી ચામડી. ભાગ્યે જ જોવા મળતી સમસ્યાના કારણે ફેંગની ચામડી 15 વર્ષે જ જાણે કે તે 60 વર્ષની હોય તેવી વૃદ્ધ કરચલીવાળી થઈ ગઈ હતી. જેના કારણે સ્કૂલમાં પણ તે મજાકનો ભોગ બનતી હતી. છેલ્લા કેટલાય સમયથી ફેંગ પોતાને ઘરમાં જ બંધ કરી રાખતી હતી. જોકે એક અજાણ્યા વ્યક્તિએ તેની મદદ કરીને ફેંગનું જીવન બદલાવી નાખ્યું છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ફેંગની સારવા માટે આશરે 56000 પાઉન્ડનો ખર્ચો થાય તેમ હતું તેવામાં આ વ્યક્તિ ફેંગ માટે દેવદૂત બનીને આવ્યો અને તેણે પૂરા 56000 પાઉન્ડ ચુકવી દીધા હતા. પોતાની કોસ્મેટિક સર્જરી બાદ આજે પહેલીવાર ફેંગ જાહેરમાં જોવા મળી હતી. ચાઈનિઝ મીડિયા મુજબ ગત મહિનાના અંતેમાં ફેંગની કોસ્મેટિક સર્જરી કરાઈ હતી જે અંદાજે 7.30 કલાક જેટલી ચાલી હતી. ફેંગની સર્જરી કરનાર શેનયાંગ સનલાઈન પ્લાસ્ટિક સર્જરી હોસ્પિટલના સર્જને જણાવ્યું કે શાઓ ફેંગને પ્રોગેરિઆ નામની જેનેટિક બીમારી હતી જે 80 લાખ લોકોમાં એકમાં માંડ જોવા મળે છે. આ બીમારીમાં વ્યક્તિ ઉંમર કરતા વહેલો વૃદ્ધ થવા લાગે છે. શાઓ ફેંગના કિસ્સામાં આ સમસ્યા ફક્ત ચામડી પર જોવા મળતી હતી તેના શરીરના આંતરીક અવયવોને આવી કોઈ સમસ્યા નહોતી. અહેવાલ મુજબ તેની માતા પણ આ પ્રકારની સમસ્યાથી પીડાતી હતી. જોકે એક અજાણ્યા વ્યક્તિ દ્વારા આશરે 20000 પાઉન્ડ જેટલી રકમ તેના મેડિકલ બિલ માટે ભેગી કરી દેવામાં આવ્યા બાદ ફેંગ આ ઓપરેશન કરી શકી હતી. જોકે હોસ્પિટલે પણ આ આપરેશનના અંતે જાહેર કર્યું હતું કે તેમણે ફેંગની ટ્રીટમેન્ટનો તમામ ખર્ચ માફ કરી દીધો છે અને તેના માટે એકત્ર કરવામાં આવેલ 20000 પાઉન્ડના ફંડનો ઉપયોગ તેના ભણતર માટે કરે તેવી અમારી શુભેચ્છા છે.