આફ્રિકામાં 52 વર્ષ પછી મળી આવ્યો 'ઉંદર જેવો હાથી', આવી છે ખાસિયત

જિબૂતીઃ આફ્રિકન દેશ જિબૂતીમાં આશરે 50 વર્ષ પહેલા વિલુપ્ત થઈ ચૂકેલો 'હાથી' (Elephant Shrews) મળ્યો છે. આ નાનો જીવ આકારમાં ભલે ઉંદર જેવો દેખાતો હોય પરંતુ આ વિશાળ હાથીઓના સમુદાયમાંથી આવે છે. સ્થાનીક રેકોર્ડ અનુસાર છેલ્લે વર્ષ 1970ના દશકમાં Elephant shrews જોવા મળ્યા હતાં. આ 'હાથી' મળવાથી દુનિયાભરના પશુપ્રેમીઓમાં આશાની કિરણ જાગી છે.

સમગ્ર દુનિયામાં 20 પ્રજાતિઓ
ઉંદર જેવા આ હાથીને Sengisના નામથી પણ ઓળખવામાં આવે છે. આ ન તો હાથી છે કે ન તો છછૂંદર છે. તેનો સંબંધ Aardvarks (આફ્રિકામાં મળી આવતો સુવર જેવું જાનવર) અને હાથીઓ તથા મેનેટી છે. જેનું નાક અણિદાર હોય છે. જેનો ઉપયોગ તે કીડાઓને ખાવા માટે કરે છે. સમગ્ર દુનિયામાં 20 પ્રજાતિઓ છે. જેમાંથી સોમાલી સેંગી વધારે રહસ્યમયી છે.

રોમાંચિત થઈ ઉઠ્યા રિસર્ચર્સ
પહેલા આ જીવ માત્ર સોમાલિયામાં જ મળી આવતો હતો, જેના કારણે તેનું નામ સોમાલી પડ્યું હતું. અમેરિકાના ડ્યૂક યુનિવર્સિટીના શોધકર્તા સ્ટીવન હેરિટેજે તેની ઓળખ કરી છે. તેઓ કહે છે કે, આ જીવ બીજીવાર દેખાયો તેથી તેઓ ખૂબ જ રોમાંચિત થઈ ચૂક્યાં હતાં. તેમણે બીબીસી સાથે વાતચીતમાં કહ્યું કે,'જ્યારે અમે પોતાની જાળ ખોલી ત્યારે અમે વાસ્તવમાં ખૂબ જ રોમાંચિત અને પ્રફુલ્લિત અનુભવી રહ્યાં હતાં.'

રિસર્ચની યોજના બનાવે છે વૈજ્ઞાનિક
હેરિટેજે કહ્યું કે અમને એ ખબર નહોતી કે જિબૂતીમાં ક્યા ક્યા જીવ મળી આવે છે. અમે જ્યારે સેંગીની કલગીદાર પૂંછડી જોઈ ત્યારે અમે એકબીજાના મોં જોવા લાગ્યા હતાં. અમને એ વાતનો આભાસ થયો હતો કે, આ પ્રાણી કૈંક ખાસ છે. જોકે, જિબૂતીના રહેવાસી રિસર્ચર હુસૈન રયલેહે કહ્યું કે, તેમણે આ પહેલા પણ આ રીતના જીવને જિબૂતીમાં જોયો છે. તેમણે એ પણ ઉમેર્યું કે, જિબૂતીના લોકોને એ વાતની ખબર નહોતી કે આ જીવ વિલુપ્ત થઈ ચૂક્યો છે. વૈજ્ઞાનિકો હવે આ સેંગીના રિસર્ચ માટે મોટી યોજના બનાવી રહ્યાં છે.