વિયેનામાં આતંકી હુમલામાં 7નાં મોત, એક આતંકીની શોધખોળ ચાલુ

વિયેનાઃ ઓસ્ટ્રિયાની રાજધાની વિયેનામાં ઘાતક આતંકી હુમલો સોમવારે રાત્રે 6 જગ્યા પર કર્યો હતો. સ્થાનિક મીડિયા રિપોર્ટ્સ મુજબ આ ઘટનામાં ઓછામાં ઓછા 7 લોકોના મોત થઈ ગયા છે અને ઘણાં લોકો ઘાયલ થયા છે. પોલીસે જવાબમાં કરેલી કાર્યવાહીમાં એક સંદિગ્ધનું મોત થઈ ગયું છે. આતંકવાદી હુમલા બાદ પોલીસે કાર્યવાહી કરી હતી. વિયેનામાં હુમલો કોરોના વાયરસના લોકડાઉન પહેલા થયો હતો. રિપોર્ટ્સ અનુસાર પોલીસે એક આતંકીને ઘેરી રાખ્યો છે.

કહેવાય છે કે પહેલો હુમલો સ્થાનિક સમય અનુસાર રાત્રે લગભગ 8 વાગ્યે સિનેગોગ પાસે થયો હતો. આ હુમલો ઘાતક રાઈફલથી કરવામાં આવ્યો હતો. કહેવાય છે કે રાઈફલ લઈને આતંકી ચાલી રહ્યો હતો અને પોલીસે તેને પકડવા માટે આખા શહેરને ઘેરી લીધું છે. ચેક પોસ્ટ પર કડક તપાસ કરાઈ રહી છે. આ સાથે મંગળવારે બાળકોને સ્કૂલે ના જવા માટે પણ જણાવાયું છે.

પોલીસે જણાવ્યું કે એક સંદિગ્ધને ઠાર કર્યોછે. જોકે, આ કાર્યવાહી દરમિયાન બે નાગરિકોના પણ મોત થઈ ગયા છે. એક પોલીસ અધિકારીને ગોળી વાગી છે અને તેમની સ્થિતિ ગંભીર છે. વિયેનાના મેયર માઈકલ લુડવિગે કહ્યું કે 15 લોકોને હોસ્પિટલમાં દાખલ કરવામાં આવ્યા છે. જેમાંથી 7 લોકોની સ્થિતિ ગંભીર છે. પોલીસે જણાવ્યું કે આતંકવાદીઓએ કુલ 6 જગ્યાઓ પર ગોળીબાર કર્યો છે.

સિનગૉગ પાસે 5 રાઉન્ડ ગોળીઓ ચાલી

ઓસ્ટ્રિયાના મીડિયા મુજબ સિનગૉગ પાસે ઓછામાં ઓછા 5 રાઉન્ડ ગોળીઓ ચાલીછે. ઓસ્ટ્રિયાના ચાન્સિલર સેબેસ્ટિયન કુર્જે આ ઘટનાને આતંકી હુમલો ગણાવ્યો છે. ઓસ્ટ્રિયાના ચાન્સિલર સેબિસ્ટિયન કુર્જે કહ્યું છે કે અમે અમારા દેશમાં કઠીન સમય પસાર કરી રહ્યા છીએ. અમારી પોલીસ આ આતંકી ઘટના ઘટનાનું ષડ્યંત્ર રચનારી વ્યક્તિને શોધી રહી છે. આતંક સામે અમે નમ્યા નથી અને અમે તમામ લડાઈ ચાલુ રાખીશું.